Sport • 05 Shilde, 2022

Eshkimnen jeńilmegen sańlaqtar

25 ret kórsetildi

Taıaýda UFC-diń resmı saıtynda aralas jekpe-jekten ótken jarystarda eshkimnen jeńilmegen segiz sportshynyń esimi jarııa etildi. Sol tizimde bizdiń Shavqat Rahmonov ta bar. Jartylaı orta salmaqta óner kórsetip júrgen qazaqtyń ór minezdi uly úzdikter reıtınginde ekinshi oryndy ıelenýde.

Kósh basynda – Hýseın Asha­bov. Cheshenstanda týyp-ósip, keıinnen Fransııaǵa qonys aýdarǵan 27 jastaǵy sportshy jaýyngerlik sambony je­tik meńgerip, kóptegen asa iri halyqaralyq jarysta jeńis tuǵy­ryna kóterildi. Osydan 10 jyl buryn aralas jekpe-jekten tusaýkeser kezdesýin ótkizgen Hýseın sol kezden beri 23 ret ok­tagonǵa shyǵyp, barlyǵynda jeńiske jetti. 16 básekede aıqyn basymdyq tanytty. Desek te ol UFC-diń týy astynda áli birde-bir kezdesý ótkizgen joq. Negizinen cheshen jigiti ECSF, GEFC, WWFC jáne WFCA se­kil­di ortańqol uıymdarda ju­dyryqtasty. О́ziniń álemdegi eń beldi promoýshendegi al­ǵash­qy aıqasyn Ashabov 17 shil­dede ótkizedi. Ol 34 jastaǵy bra­zılııalyq faıter Gerbert Bernspen kúsh synasady. Tek sol kezde ǵana Fransııa ókiliniń qanshalyqty qarýly ekenine naqty baǵa berýge bolady.

Ekinshi oryndaǵy Shavqat Rah­mo­novtyń júrip ótken joly barsha qazaqstandyq jankúıerdiń kóz aldynda. 27 jastaǵy qandasymyz osy sport túrin 2014 jyldan beri serik etip keledi. Sol aralyqta 16 kezdesý ótkizip, barlyǵynda aıqyn jeńiske qol jetkizdi. 2020 jyldyń qazan aıynda Shavqat UFC-degi alǵashqy kezdesýin ótkizdi. Abý-Dabıde ótken týrnırde Aleks Olıveırany jáne 2021 jyly Las-Vegasta Mıshel Prazerısti sabmıshn ádisimen utty. Brazılııanyń qos myqtysy tize búkkennen keıin Shavqat bıyl qysta gaıanalyq Karlston Harrısti taldyrsa, jýyrda ǵana amerıkalyq Nıl Megnıdi ońdyrmaı sabady.

Úshinshi men besinshi oryndardy ózara bólisken Moldovanyń marqasqasy Aleksandr Romanov, Ýelstiń saıypqyrany Djek Shor jáne Reseıdiń myqty­sy Movsar Evloevtyń kórset­kishteri birdeı. Olar da dál Shavqat Rahmonovtaı 16 kezde­sýden ótkizip, barlyǵynda me­reı­leri ústem boldy. Ondaı jaǵ­daıda reıtıng jasalǵanda sportshylardyń qansha ret aıqyn basymdyq tanytqany eskeriledi. Bul rette qazaq jigitiniń ózger­ler­­den kóshi ilgeri. Shavqat 100 paıyz­­dyq kórsetkishke ıe. Úshinshi saty­ǵa jaıǵasqan aýyr salmaqtaǵy Romanov tek bir básekeni ǵana mer­ziminen buryn aıaqtaı alma­ǵan eken. Qalǵan 15-inde nokaýt tirkelgen. Asa jeńil salmaqtaǵy Shor 12 qar­sy­lasyn esinen tandyrsa, Evloev
7 ret aıqyn jeńiske qol jetkizipti.

Sondaı-aq jeńilistiń kermek dámin tatpaǵandardyń tiziminde amerıkalyq Braıs Mıtchell (15-0, 9) men  Shon Bredı (15-0, 7) jáne reseılik Ýmar Nýrmagomedov (15-0, 8) syndy sańlaqtar bar.

Uqsas jańalyqtar