Sınoptıkter taratqan derekterge qaraǵanda, belsendi Ońtústik sıklon jáne onymen baılanysqan atmosferalyq frontaldy bólikter Qazaqstan terrıtorııasynyń basym bóligine yqpal etedi. Sonyń saldarynan jańbyr jaýyp, soltústikte, ortalyqta nóser jańbyr jaýady, naızaǵaı oınap, burshaq jaýady, jel kúsheıip, daýyl turady, batysta, ońtústikte shańdy daýyl turady.
Soltústik Qazaqstan oblysynyń soltústiginde, shyǵysynda, kúndiz Ulytaý oblysynyń batysynda nóser jańbyr jaýady.
Qyzylorda oblysynyń basym bóliginde, Abaı oblystarynyń batysynda, ortalyǵynda, Túrkistan oblysynyń soltústiginde, shóldi aýdandarynda, Ulytaý oblysynyń ońtústik-batysynda, Qaraǵandy oblysynyń ońtústik-shyǵysynda, Jambyl oblysynyń ońtústiginde, Almaty oblysynyń batysynda tótenshe órt qaýpi saqtalady.
