Bul derekti oblystyq polısııa departamentiniń baspasóz qyzmeti rastady.
Teńiz ken ornyna qarasty «Senimdi qurylys» JShS jumysshysy 5 shildede túngi mezgilde ózine qol jumsaǵany anyqtaldy.
«Bizdiń kompanııaǵa merdiger kásiporyn – «Senimdi qurylys» JShS qyzmetkerleriniń biri tirshilik belgilerinsiz tabylǵany týraly habar berildi. Bul týraly tıisti memlekettik organdarǵa der kezinde habarlandy», dep málimdedi «Teńizshevroıl» JShS-niń baspasóz qyzmeti.
Túngi aýysymǵa shyǵyp, jumys ornynda asylyp qalǵan jumysshynyń jasy 28-de edi. Onyń denesin birge jumys isteıtin áriptesteri taýyp alǵan. Jumysshynyń ózine qol jumsaýyna ne sebep bolǵany ázirge belgisiz.
Oblystyq polısııa departamentiniń baspasóz qyzmetinen málim etkendeı, atalǵan derekke baılanysty tekserý men tergeý amaldary bastaldy.
