Oqý-aǵartý mınıstriniń óńir turǵyndarymen esep berý kezdesýi úsh saǵatqa sozyldy. Onda halyqtyń kóbin júıeli máseleler emes, jergilikti bilim berý qyzmetkerleri men jergilikti atqarýshy organdardyń den qoıyp, nazar aýdarýyn qajet etetin jeke máseleler tolǵandyratynyn baıqaldy. Bul týraly mınıstr Feısbýktegi paraqshasynda jazdy.
«Sonymen qatar Túrkistan oblysynyń turǵyndarymen kezdesýde aýdandyq bólimder men oblystyq bilim basqarmalarynyń Oqý-aǵartý mınıstrligine baǵynýynyń mańyzdylyǵy, dırektorlardy rotasııalaý, mektepterdegi pedagog-assıstentter sanyn kóbeıtý, kolledjderdi beıindi mınıstrliktiń tikeleı basqarýyna berý, mektepter men balabaqshalardy jabdyqtaý úshin jergilikti bıýdjetten qarjylandyrýdyń jetispeýshiligi týraly máseleler kóterildi. Buǵan qosa sot sheshimderiniń apellıasııasyna jáne eńbek daýlaryna qatysty da suraqtar qoıyldy. Kóptegen suraq oblystaǵy muǵalimder men mektep dırektorlarynyń qarym-qatynasyna qatysty boldy. Mundaı antıreıtıngte Túrkistan oblysy respýblıka boıynsha «kóshbasshy» sanalatynyn atap ótkim keledi. Bilim bólimderi men bilim berý uıymynyń basshylary osy baǵytta tıisti jumys júrgizýi qajet», dedi A.Aımaǵambetov.
Onyń aıtýynsha, mektepke deıingi uıymdarda memlekettik tapsyrystardy ornalastyrý bóliginde sybaılas jemqorlyqqa qatysty shaǵymdar boldy. Endi bul aqparat zerttelip, tekserý qorytyndysy boıynsha shara qabyldanady.
Sonymen qatar A.Aımaǵambetov bıyl bilim salasynda jańa joba júzege asatynyn málimdedi. Respýblıka kóleminde bilikti, bilimdi pedagogter iriktelip, muǵalim tapshylyǵy bar aımaqtarǵa jiberiledi. Joba alǵashqyda Atyraý, Mańǵystaý, Almaty, Túrkistan oblystarynda ótedi.
Sondaı-aq mınıstr bıyldan bastap muǵalimderdi jumysqa qabyldaý jańa erejege saı júzege asatyndyǵyn jetkizdi jáne mektep dırektorlaryn rotasııalaý isi aldaǵy ýaqytta jalǵasatyndyǵyn aıtyp ótti.
«Endi muǵalimderdi jumysqa qabyldaýdy dırektorlar sheshpeıdi. Bul jumys úmitkerlerdiń naqty jınaǵan baldary boıynsha, konkýrs arqyly, sandyq júıemen iske asady. Respýblıka boıynsha 500-ge jýyq dırektor rotasııalaýdan ótti. Meniń oıymsha óte qajetti shara. Zańǵa sáıkes rotasııa ınstıtýtyn jalǵastyramyz», dedi ol.
Jıyn barysynda mınıstr 1 qyrkúıekten bastap bilim salasyna engiziletin jańalyqtardy atap ótti. Iаǵnı bıylǵy oqý jylynan bastap qazaq mektebiniń birinshi synybyna barǵan balalar tek qazaq tilinde bilim alady.
«Munyń aldynda birinshi synypqa barǵan bala aǵylshyn tiliniń álippesin oqý kerek boldy. Orys tiliniń álippesin, qazaq tiliniń álippesin oqý kerek boldy. Bul 6 jastaǵy bala úshin qıyn. Balany damytý úshin ana tilin úıretip alǵan óte mańyzdy. Biz sol sheshimdi qabyldadyq. Bıyldan bastap qazaq tildi mektepke barǵan balalar, tek qaza tilinde jazyp, úırenetin bolady», dedi A.Aımaǵambetov.
Sondaı-aq mınıstr pedagogterdiń mártebesin kóterý baǵytynda atqarylyp jatqan jumystardyń nátıje bere bastaǵanyn jetkizdi.
«Muǵalimderdi ózderine tán emes jumystardan bosattyq. Jalaqysy ósti. Qazir bul másele negizinde sheshildi. Sonyń ishinde ártúrli qujat, ártúrli esep tapsyrý boıynsha úlken problema boldy. Jalpy, men qol qoıǵan buıryq boıynsha pedagog birinshiden kúndelikti elektrondy jýrnalǵa baǵa qoıady. Ekinshisi kúndelikti oqý josparyn daıyndaıdy. Bitti, basqa eshteńe bolmaýy kerek. Kimde-kim osy buıryqty buzatyn bolsa, onda biz olardy qatań jaýapkershilikke tartamyz. Aldyńǵy jyly osy baǵytta 700-ge jýyq adam túrli jaýapkershilikke tartyldy», dedi mınıstr.
Vedomstvo basshysy esep berý kezdesýinde qoıylǵan saýaldyń barlyǵyna jaýap bergennen keıin aýdandardyń, qalalardyń bilim bólimderi men kolledj basshylarymen jeke jıyn ótkizdi.
«Qoryta kelgende, oblystyń bilim berý salasynda sheshilmegen birqatar másele bar. Túrkistan oblysy Bilim basqarmasynyń qazirgi basshysynyń oblys basshylyǵy sheshimimen taǵaıyndalǵanyna az ǵana ýaqyt boldy. Endi onyń aldynda qordalanǵan máselelerdi sheshý boıynsha mańyzdy mindetter tur. Túrkistan oblysynyń turǵyndaryna ýaqyt bólip, kezdesýge kelgenderi jáne bilim salasyna beıjaı qaramaǵany úshin alǵys aıtamyn», dedi A.Aımaǵambetov.
Oqý-aǵartý mınıstri osy sapary kezinde Túrkistan oblysyndaǵy alty aýylǵa baryp, jeti mekteptiń jumysymen tanysty. Sonyń ishindegi eki mektep basshysynyń jumysyn tómen dep baǵalady.
«О́z quzyretterindegi mindetterin oryndaýyna jáne qajetti jumysty uıymdastyrýlaryna qatysty suraqtar bar. Sondaı-aq mektepterdiń birindegi kitaphanashyǵa «Oqýǵa qushtar mektep» jobasy boıynsha atqaryp jatqan jumysy úshin alǵysymdy aıttym. Taǵy eki mektepte osy joba boıynsha jumys tıisti deńgeıde oryndalyp otyrǵan joq. Mektep basshylarynyń attestasııadan ótý merzimi ótip ketse de, keıbir oblys aýdandarynda 5 jyldan astam ýaqyt boıy attestasııa ótkizilmegen. Osy oblystyń basqa da bilim berý uıymdarynyń jumysymen tanysamyn», dedi A.Aımaǵambetov.
Túrkistan oblysy
