Bıylǵy Balalar jyly jáne «Týǵan elge taǵzym» jobasy aıasynda jasalǵan ota sheberlik saǵaty esebinde ótti. Sebebi jumys barysy tikeleı baqylaýǵa alynyp, balalar aýrýhanasynyń jas hırýrgteri qatysty. Bul Nurlan Muhtarulynyń alǵashqy qaıyrymdylyq otasy emes. Medısına salasynda 40 jylǵa jýyq qyzmet etip kele jatqan bilikti maman osy ýaqytqa deıin 25 myńnan astam operasııa jasaǵan eken. Onyń ishinde 1,5 myńnan astamy – qaıyrymdylyq is-sharasy.
«Ár azamat halyqtyń rızashylyǵyn alǵysy keledi. Meniń de maqsatym – balalarǵa qolymnan kelgenshe kómektesip, el alǵysyn alý. Osyǵan oraı jıi qaıyrymdylyq otasyn jasaımyn», dedi N.Aryn.
Operasııa sátti ótti. Bilgir dáriger operasııany ózi oılap tapqan jańa ádispen jasady. Mamandar naýqastar bir táýlik ishinde aıaqqa turyp, bir aptada úıine shyǵarylatynyn aıtady. Ata-analar aýyr halde jatqan balalaryna kómektesken aq halatty abzal jandarǵa alǵysyn jaýdyryp, izgi tilekterin jetkizdi. Kópsalaly balalar aýrýhanasynyń bas dárigeri Arman Toıbekov qaıyrymdylyq is-sharasynyń qoǵamǵa berer kómegi zor ekenin tilge tıek etti. Mamandar mundaı ıgilikti is-sharalar jergilikti dárigerlerdiń kásibıligin artatyna senimdi.
«Bala – ulttyń bolashaǵy. Osy naqyldy qaperine alǵan dárigerler qoldan kelgenshe kómek kórsetip jatyr. Nurlan kelgen saıyn jas áriptesterine sheberlik sabaǵyn ótkizip, jańa ádister úıretedi», dedi A.Toıbekov.
TALDYQORǴAN
