Ázerbaıjan sýretshisi Sakyt Mammadovtyń kýratorlyǵymen ótken jıyn aıasynda birqatar is-shara uıymdastyrylǵan. Kórmege qatysýshylar Túrkııanyń jas sýretshilerine sheberlik saǵattaryn ótkizdi. Odan bólek galereıada úlken kórme bolyp ótti. Mádenı is-sharaǵa Qazaqstannan barǵan sýretshi Sembiǵalı Smaǵul «Aı ustaǵan abadan» qasqyr músinin alyp barǵan. Kórermenderdiń erekshe nazaryna ilikken óner týyndysy qala meri Ikram Imamoǵlunyń usynysymen Ystambuldyń kórikti bir jerine qoıylmaq.
Qazaqstandyq sýretshiniń aıtýynsha, aýzyna Aı tistegen qasqyr músin túrki halyqtarynyń qaıta jańǵyrýynyń sımvoly retinde jasalǵan.
«Túrki halyqtary toteminiń biri qasqyr kóp sımvoldarda Aıǵa qarap ulyp turady. Jalpy, shyǵarmashylyq adamdary ıakı bılik ókilderi qoǵamda bir ózgerister jasap otyrady. Mysaly, men munda qasqyrdyń Aıǵa qarap ulymaı, sol Aıdy ustaǵan zaman keletinin meńzedim. Bul ǵasyrda túrki halyqtarynyń basy birigip, birligi artady dep senemin. Túrkııada ótken kórme de barsha túrki halyqtaryna ortaq mádenıettiń qalyptasýyna yqpal etip otyr», deıdi S.Smaǵul.
Aıta keteıik, qala meri ár qatysýshynyń bir-bir jumysyn óz mýzeıine satyp alǵan. Oǵan qosa túrkııalyq kásipkerlerdi kórmege shaqyryp, týyndylardyń satylýyna yqpal etken.
