«Biz ǵaryshtyq monıtorıng tásili arqyly jerdiń paıdalanylýyn baqylaımyz. Bul norma byltyr otandyq zańnamaǵa engizilgen. Osy ǵaryshtyq monıtorıng nátıjesinde 40 mln gektar jer paıdalanbaı jatyr degen aqparat aldyq. Onyń 95%-y – jaıylym jerleri. Jaıylym jerdiń tapshylyǵy bar ekeni barshamyzǵa málim. Biraq olardy qaıtarý máselesi bir kúnde sheshilmeıdi. Nege deseńiz, Konstıtýsııamyzda jekemenshik quqyqtar qorǵalǵan. Sondyqtan sol paıdalanbaıtyn jerlerdi qaıtarý máselesi sot tártibimen sheshiledi», dedi Álıhan Smaıylov Ulttyq arnanyń «Jańa Qazaqstan» baǵdarlamasynda.
Onyń aıtýynsha, bul másele jóninde arnaıy komıssııa quryldy jáne bıyl bul jumystar qaıta jandanady.
«Byltyr paıdalanylmaı jatqan jerlerdiń 400 myń gektary memleketke qaıtaryldy. Bıyl muny 5 mln gektarǵa deıin jetkizemiz. Iаǵnı bıyl qaıtarylatyn jer kólemi 12 esege ulǵaıady jáne ol jerlerdi naqty paıdalanatyn, aýyl sharýashylyq ónimin shyǵaratyn otandyq kásipkerlerge berý kerek. Sondyqtan bul óte mańyzdy másele», dedi Úkimet basshysy.
