Bul týraly Úkimet otyrysynda QR Indýstrııa jáne ınfraqurylymdyq damý mınıstri Qaıyrbek О́skenbaev aıtty.
«Avtojol salasyn reformalaý sheńberinde kelesideı sharalar qabyldanatyn bolady: Birinshi. «QazAvtoJol» ulttyq kompanııasy aksıonerlik qoǵamy «Qazaqavtojol» jaýapkershiligi shekteýli seriktestigimen biriktiriledi. Qaýly jobasy Úkimetke bıylǵy tamyz aıynda engiziletin bolady. Ekinshi. Sońǵy 10 jylda iske asyrylǵan avtojol jobalaryn tekserý jónindegi komıssııa qurylady. Komıssııa quramyna Qarjy, Ulttyq ekonomıka, Ádilet mınıstrlikteriniń, Básekelestikti qorǵaý jáne damytý agenttiginiń, prokýratýra organdary men «Atameken» ulttyq kásipkerler palatasy ókilderi kiredi. Qaýly jobasy Úkimetke osy jyldyń tamyz aıynda engiziledi», dedi vedomstvo basshysy.
Mınıstr kúzde zańǵa qurylys prosesine qatysýshylardyń báriniń jeke jaýapkershiligin kúsheıtetin normalar engiziletinin qosa aıtty.
«Jergilikti kásipkerlik pen naryqty damytý maqsatynda otandyq merdigerler úshin shartty jeńildikter men preferensııalardy qoldaný boıynsha qoldanystaǵy satyp alý qaǵıdalaryna ózgerister engiziledi», dedi ol.
