– Qazir sharýashylyqqa keltirilgen shyǵynnyń kólemi anyqtalyp jatyr. Biraq atalǵan seriktestik basshylary tórt túlik maldy saqtandyrmaǵan. Sol sebepten kásipkerge memleket tarapynan ótemaqy tólenbeıdi, – deıdi Azamat Aıtqalıev.
Onyń deregine qaraǵanda, órtengen qoıdyń 500-den astamy kórshiles Batys Qazaqstan oblysynyń Jańaqala aýdanynda ornalasqan et kombınatyna jiberilgen. Termııalyq óńdeýden ótken soń odan et ónimderin daıyndaý kózdelgen.
Qurmanǵazy aýdany ákimdiginiń baspasóz qyzmetinen málim etkendeı, dala órti Jalǵyzapan aýylyna taıaý ornalasqan Asqar, Besoba, Apandykól qystaqtarynyń aýmaǵyna jaıylǵan. О́rtti sóndirýge Súıindik aýyldyq okrýginiń 30 turǵyny, Azǵyr aımaǵynda geologııalyq barlaý jumystaryn júrgizip jatqan «TAT Arka» JSh tarapynan 10 tehnıka tartylǵan. Aýyldyq okrýg ákimi Qanat Qulsharovtyń aıtýynsha, sońǵy aptada úsh órt tirkelgen. Al seriktestik basshylary tarapynan mal shyǵyny jóninde tıisti organdarǵa shaǵym túspegen.
– Súıindik aýylynda órt sóndirý qyzmetiniń arnaıy jasaǵy joq. Aýyl men aýdan ortalyǵynyń araqashyqtyǵy – 270 shaqyrym. О́rttiń bolǵany týraly oblystyq tótenshe jaǵdaılar departamentine habarlanbady. Batys Qazaqstan oblysynda bastalǵan órttiń kórshiles Astrahan oblysyna deıin jalǵasqany belgili boldy. Keıin órt Atyraý oblysynyń aýmaǵyna ótken. Jalyn sharpyǵan jerdiń jalpy aýmaǵy – 100 gektar, – dep málim etti oblystyq tótenshe jaǵdaılar departamentiniń memlekettik órt baqylaý basqarmasy bastyǵynyń mindetin atqarýshy Dáýren Berdenov.
Atyraý oblysy
