Memorandým maqsaty - QR Prezıdentiniń janyndaǵy Memlekettik basqarý akademııasynyń bastamasymen memlekettik qyzmetshilerdi oqytý jáne biliktiligin arttyrý baǵytyndaǵy Akademııanyń qyzmetine medıa alańda aqparattyq qoldaý kórsetý jáne memlekettik qyzmetshilermen BAQ-pen jumys salasynda trenıngter, master-klastar ótkizý.
Memorandým aıasynda taraptar arasynda medıa salasyndaǵy birlesken jobalardy iske asyrý jáne qoldaý bildirý jumystary júzege asyrylady.
«Búgingi qol qoıylǵan Yntymaqtastyq týraly memorandým aldaǵy birlesken úlken jumystardyń basy bolyp, eki tarap ta tájirıbelerimen bólisedi dep oılaımyn», dedi Darhan Qydyráli is-shara barysynda.
Atalǵan memorandýmdy iske asyrý boıynsha Akademııa tarapynan halyqaralyq qatynastar, ekonomıka jáne basqa da mańyzdy salalar boıynsha sarapshylar pýly jasaqtalyp, elimizdiń bas baslymymen birlesken medıa jobalar ashylatyn bolady.
Sonymen qatar alda kele jatqan jańa oqý jylynan bastap Darhan Qydyráli Akademııa tyńdaýshylaryna óziniń avtorlyq kýrstaryn usynady dep josparlanyp otyr.
