«17 shilde kúni jergilikti ýaqytpen saǵat 19:02-de Aqtóbe oblysy Alǵa aýdanynyń tótenshe jaǵdaılar bóliminiń «101» jelisine «Lımangaz» JShS avtogaz quıý stansııasyndaǵy órt týraly habar kelip tústi. О́rtti Aqtóbe oblysy Alǵa aýdandyq órt sóndirý qyzmeti sóndirdi», delingen vedomstvonyń aqparatynda.
Aldyn ala aqparat boıynsha, órt saldarynan qaza tapqandar men zardap shekkender joq.
«Gaz quıý beketi kúndizgi saǵat 12-den bastap jumys istemegen. Beket aýmaǵynda 2 qyzmetker bolǵan. Kýágerlerdiń aıtýynsha, órtengen sısterna bos bolǵan», deıdi vedomstvo ókilderi.
Alǵa aýdanynyń tótenshe jaǵdaılar bólimi órt sebebin anyqtaý úshin tehnıkalyq saraptama taǵaıyndady.
Sondaı-aq komıtet bolǵan jaıttyń mán-jaıyn anyqtaý maqsatynda arnaıy komıssııa qurylatynyn jáne oqıǵa ornyna memlekettik ınspektordyń jiberilgenin habarlady.
«Tolyq aqparat tergeý júrgizilip, órttiń mán-jaıy anyqtalǵannan keıin jarııalanady», dep túıindedi komıtet ókilderi.
