2020 jylmen salystyrǵanda kásipkerlik qyzmetpen aınalysatyn shaǵyn kásiporyndardy eskergendegi ortasha aılyq jalaqynyń eń kóp ósýi densaýlyq saqtaý jáne halyqqa áleýmettik kómek kórsetý salasynda baıqaldy – 29,7%, bilim berý salasynda – 24,1%, qarjy jáne saqtandyrý qyzmetinde – 21,1%, ózge de qyzmet túrlerin usyný salasynda – 21,2%.
Salalyq qurylymda eń joǵary ataýly jalaqy taý-ken óndirý ónerkásibinde jáne karerlerdi qazýda – 477,1 myń teńge (ortasha respýblıkalyq deńgeıden 2,1 ese joǵary), qarjy jáne saqtandyrý qyzmetinde – 437,1 myń teńge (1,9 ese), aqparat jáne baılanys qyzmetinde – 330,1 myń teńge (1,4 ese), kásibı, ǵylymı jáne tehnıkalyq qyzmette – 305,8 myń teńge (tıisinshe 1,3 ese).
Kásipkerlik qyzmetpen aınalysatyn shaǵyn kásiporyndardy esepke alǵanda ortasha aılyq ataýly jalaqynyń tómen deńgeıi aýyl, orman jáne balyq sharýashylyǵy salalarynda – 135 430 teńge jáne óner, oıyn-saýyq jáne demalys salalarynda – 155 524 teńge.
О́ńirler bólinisinde eń joǵary ortasha aılyq jalaqy kásipkerlik qyzmetpen aınalysatyn shaǵyn kásiporyndardy esepke alǵanda Atyraý oblysynda 379 901 teńge bolyp shyqty. Shymkent qalasynda onyń shamasy 170 397 teńgeni qurady, bul el boıynsha ortasha deńgeıden 26,4%-ǵa tómen.
Eske sala keteıik, óńirler boıynsha shaǵyn kásiporyndardy esepke almaǵandaǵy ortasha aılyq ataýly jalaqy mólsheri 2021 jyly 250 311 teńgeni qurady.
Bıýro paıdalanatyn ortasha aılyq jalaqyny esepteý ádistemesi Halyqaralyq eńbek uıymynyń standarttary men ádisnamasyna sáıkes keledi. Ortasha aılyq jalaqy týraly derekter kásiporyndardyń toqsan saıynǵy jáne jyldyq statıstıkalyq eseptiligi negizinde esepteledi. Bir qyzmetkerdiń ortasha aılyq ataýly jalaqysy qosymsha aqylardy, ústemaqylardy, syıaqylardy, sondaı-aq salyqtarmen basqa da ustalymdardy (tabys salyǵy, mindetti zeınetaqy jarnalaryn) esepke ala otyryp qalyptastyrylady.
