Bul – Qazaqstan tabystarynyń moıyndalýy

Memleket basshysy Nursultan Nazarbaev Azııa Damý bankiniń prezıdenti Takehıko Nakaony qabyldady, dep habarlady Prezıdenttiń baspasóz qyzmeti. Kezdesýde ınfra­qury­lym­dardy damytý, elimizdegi qarjy-bank sektoryn odan ári reforma­laý, shaǵyn jáne orta bıznes ká­siporyndaryna qajetti qoldaý kór­setý máselelerin qamtyǵan yn­ty­maqtastyqtyń negizgi baǵyttary talqylandy. Sondaı-aq, taraptar álemdik qar­jy júıesin odan ári damytý joldary týraly pikir almasty. Qazaqstan Prezıdenti Azııa Damý banki basqarýshylar keńe­siniń aldaǵy 47-shi otyrysynyń As­tanada ótetinine rızashylyq bildirdi. – 2014 jyly Keńeske tóra­ǵalyq etý – biz úshin qurmet. Qa­tysýshylar quramynda asa kór­nekti adamdar bolady. Biz mu­ny táýelsizdik jyldaryndaǵy Qa­zaqstannyń tabystaryn banktiń moıyndaýy dep bilemiz. Bıyl elimiz ben Azııa Damý banki ara­syn­daǵy yntymaqtastyqqa 20 jyl tolady. «Qazaqstan-2050» Stra­tegııasyn júzege asyra bastaǵan búgingi kezeńde biz sizderdiń bankterińizben ózara is-qımyldyń jańa betterin ashqymyz keledi, – dedi Memleket basshysy. Nursultan Nazarbaev qos ta­raptyń yntymaqtastyǵy mem­leketimizdiń múddesine tolyq saı keletinin jáne elimizdiń ekonomıkasyn ártaraptandyrý úderisine banktiń kórsetken qoldaýyn Qa­zaqstan joǵary baǵalaıtynyn atap ótti. Azııa Damý bankiniń basshysy óz kezeginde Astanada forým ótkizý týraly sheshim úshin alǵy­syn bildirip, oǵan Azııanyń bar­lyq túkpirinen 3000-nan astam dele­gattyń qatysýy kútilip otyrǵanyn aıtty. T.Nakao, sondaı-aq, ADB Qa­zaq­standa óz jumysyn bastaǵannan beri jalpy somasy 3,5 mlrd.dollar qarjylaı kómek kórsetkenin atap ótti. Azııa Damý bankiniń prezıdenti «Qazaqstan-2050» Strategııasyn energetıka, ındýstrııalandyrý, qarjy sektoryn damytý, sondaı-aq, shaǵyn jáne orta kásipkerlik sııaqty salalar boıynsha júzege asyrýǵa kómektesýge daıyn ekenin jetkizdi. Sýretti túsirgender S.BONDARENKO, B.OTARBAEV.