Qazaqstanda sońǵy aptada koronavırýs ınfeksııasyn juqtyrý jaǵdaılary 3,2 ese ósti. Olardyń 89%-ǵa jýyǵy ekpe almaǵan jáne sońǵy 6 aıda revaksınasııadan ótpegen.
COVID-19 boıynsha halyqqa medısınalyq kómektiń kórsetilýine Nur-Sultan qalasyndaǵy BMSK uıymdaryna barý arqyly júrgizilgen monıtorıng nátıjeleri belgili boldy.
Qalanyń 8 emhanasynda júrgizilgen monıtorıng emhanalardyń 12%-da (jeke medısınalyq uıymdar) súzgi-kabınet jumysynyń uıymdastyrylmaǵanyn, COVID-19 juqtyrǵan naýqastarǵa qashyqtan monıtorıng júrgizilmeıtinin, dezınfeksııa, maska rejımi, áleýmettik qashyqtyq saqtalmaıtynyn kórsetti.
Vıse-premer Eraly Toǵjanov Nur-Sultan qalasy ákimdigine COVID-19 juqtyrǵan naýqastarmen jumys júrgizý algorıtmin saqtamaıtyn medısınalyq uıymdarǵa tıisti shara qabyldaýdy jáne osyndaı tekserýlerdi barlyq óńirde júrgizýdi tapsyrdy.
Matrısanyń ózektendirilgeni eskerile otyryp, epıdemıologııalyq ahýal nasharlaǵan jaǵdaıda shekteý sharalaryn engizý sharttary qaıta qaraldy.
О́ńir jasyl aımaqta bolyp, biraq «R» sany joǵary bolsa, jabyq oryndar men qoǵamdyq kólikte maska taǵý usynylady.
О́ńir sary aımaqqa aýysqan jaǵdaıda: Naýqaspen baılanysta bolǵandardy qashyqtan jumys isteýge aýystyrý; COVID-19 juqtyrǵan naýqaspen baılanysta bolǵan vırýsqa qarsy ekpege qarsy kórsetilimderi bar qyzmetkerlerdi qashyqtan jumys isteýge aýystyrý; bilim berý uıymdarynda toptardy biriktire otyryp, is-sharalardy ótkizýdi boldyrmaý (toptarda is-sharalardy ótkizýge ruqsat etiledi); obektilerde sanıtarlyq-dezınfeksııalyq rejımdi saqtaý, obektilerde úı-jaılardy kúndelikti ylǵaldy jınaý jáne jeldetý.
Medısınalyq maskalardy taǵýǵa keńes berý: Halyq kóp jınalatyn oryndarda (áýejaılar, tj vokzaly, avtovokzaldar, bazarlar, SOSO, saýda úıleri, teatrlar, kınoteatrlar, HQKO, bankter, kórermenderdi qatystyra otyryp ótkiziletin sporttyq sharalar); uıymdasqan ujymdarda; kóliktiń barlyq túrinde (qoǵamdyq kólik, áýe, tj, halyqaralyq avtobýs tasymaldary).
Otyrys sońynda E. Toǵjanov memlekettik organdar men ákimdikterge halyqty vaksınasııalaý jáne revaksınasııa jasatý jumystaryn jandandyrýdy, sondaı-aq halyq arasynda keńinen túsindirý jumystaryn júrgizýdi tapsyrdy.
