О́tken aptada óńirde koronavırýs ınfeksııasyn juqtyrýdyń 194 jaǵdaıy tirkelgen eken. Onyń ishinde bir táýlikte anyqtalǵany 51 naýqas bolatyn. Al keshegi kúnniń málimeti boıynsha bul ahýal asqynyp, aýyrǵandar qatary táýligine 245 adamǵa kóbeıgeni baıqaldy. Aýdandar boıynsha juqtyrý deregi de árqıly. Mysaly, Balqash pen Ile aýdanyndaǵy ahýal – 0,09 paıyz bolsa, Talǵar aýdanyndaǵy ósim – 0,05 shamasynda eken. Al Qarasaı aýdanyndaǵy indet juqtyraǵan naýqas sany 0,1 paıyzǵa ósse, Kegen aýdanyndaǵy kórsetkish 0,2 paıyzǵa kóbeıgen. Degenmen oblys juqpaly indettiń taralý kórsetkishi boıynsha «jasyl aımaqtaǵy» ornyn saqtap tur.
Aıtpaqshy, oblysta turǵyndarǵa ekpe salý jumysy belsendi jalǵasyp keledi. Qazirge deıin vaksınanyń birinshi komponentin 719 773 adam aldy. Bul – ımmýndaýǵa jatatyn eresek halyqtyń 88,3 paıyzy. Al ekpeniń ekinshi komponentin 689 914 adam nemese halyqtyń 84,7 paıyzy saldyrǵan. Munan bólek 292 650 adam revaksınalaý kýrsynan ótip, 9 304 azamat ımmýnıtetti nyǵaıtý maqsatynda vaksınanyń 4-dozasyn alǵan kórinedi.
Almaty oblysy
