«Semeıde káriz qudyqtarynyń birinen eki er adamnyń máıiti tabyldy. Aldyn ala málimet boıynsha, olar qudyqta jınalǵan gaz býynan ýlanǵan», delingen Semeı qalalyq PD baspasóz qyzmeti taratqan habarlamada.
Kýágerlerdiń aıtýynsha, oqıǵa «Rosha» aıaldamasyna jaqyn jerde bolǵan.
«21 shildede Zaton polısııa basqarmasy sotqa deıingi tergep-tekserýdi bastady, onyń aıasynda birqatar saraptamalar taǵaıyndaldy jáne barlyq mán-jaıdy zertteý úshin qajetti tergeý áreketteri júrgizilip jatyr», delingen habarlamada.
