Baqytgúl Hamenovaǵa qatysty qylmystyq isti qaraý 2022 jylǵy 3 tamyzda jergilikti ýaqytpen saǵat 9:30-ǵa belgilendi. Sot otyrysy Atyraý qalasynyń №2 sotynda ótedi.
Oblystyq sottyń baspasóz qyzmeti habarlaǵandaı, bıylǵy 26 mamyrda Atyraý qalasynyń №2 sotyna QR Qylmystyq kodeksiniń 366-babynyń 3-bóliginiń 2-tarmaǵymen Atyraý oblysy ákiminiń orynbasary Baqytgúl Hamenovaǵa, Atyraý oblysy Mádenıet, tilderdi damytý jáne arhıv isi basqarmasynyń basshysy Aqylbek Rysqalıevke, QR Qylmystyq kodesiniń 367-babynyń 2-bóligimen «B» JShS-niń dırektoryna qatysty qylmystyq is túsken.
Osyǵan baılanysty basty sot otyrysyn 2022 jylǵy 14 maýsymda saǵat 14:45-te ótkizý belgilengen edi. Alaıda, Baqytgúl Hamenovanyń isine qatysty sot otyrysy keıinge shegerildi. Buǵan sýdıanyń ózge qylmystyq is boıynsha keńesý bólmesine ketýi sebep boldy.
Eske sala ketsek, Atyraý oblysy ákiminiń orynbasary Baqytgúl Hamenova byltyrǵy jeltoqsanda qamaýǵa alynǵan. Atyraý oblysy ákiminiń orynbasary men mádenıet, arhıvter jáne qujattama basqarmasynyń basshysy para alý kúdigine ilingen. Kúdiktiler Abaı eskertkishin jasaý jáne ornatý boıynsha 145 mln teńge somasyna memlekettik satyp alý shartyn jasaǵany úshin bir top adammen aldyn ala sóz baılasý arqyly JShS basshysynan 4,5 mln teńge somasynda para alǵan.
Onymen birge mádenıet, arhıvter jáne qujattama basqarmasynyń basshysy Aqylbek Rysqalıev para alý kúdigine ilingen. Kúdiktilerge Abaı eskertkishin jasaý jáne ornatý boıynsha 145 mln teńge somasyna memlekettik satyp alý shartyn jasaǵany úshin bir top adammen aldyn ala sóz baılasý arqyly JShS basshysynan 4,5 mln teńge somasynda para alý kúdigimen qylmystyq is qozǵaldy.
