«2023 jylǵy 1 qańtardan bastap memlekettik organdar men ákimdikter qyzmetinde «elektrondy úkimettiń» biryńǵaı platformasy engiziledi. Biryńǵaı platforma beıberekettikke jol bermeıdi. Qazir keı azamattar memlekettik qyzmetterdi smartfon arqyly alý múmkindigin talap etip jatyr. Osy oraıda bıyl 15 shilde kúni Memleket basshysy qol qoıǵan sıfrlandyrý týraly jańa zańǵa sáıkes EgovMobile mobıldi qosymshasynyń qoldaný aıasy keńeıtildi», dedi QR Sıfrlyq damý, ınnovasııalar jáne aeroǵarysh ónerkásibi mınıstrligi sıfrlyq transformasııalaý departamentiniń dırektory Nazgúl Bajaeva AMANAT partııasy alańynda ótken baspasóz máslıhatynda.
Onyń aıtýynsha, atalǵan mobıldi qosymsha arqyly 19 qujatty alýǵa bolady.
«Sonymen qatar jańa zańǵa sáıkes memlekettik tirkeý kýálikterin berý tártibi de ózgeredi. Endigi ýaqytta týý, neke, ajyrasý jáne qaıtys bolǵannan keıin beriletin kýálikter azamattyń egov-taǵy jeke kabınetine jiberiledi. Al kýálikterdiń qaǵaz nusqasyn alǵysy kelgen azamat ótinish jazýy tıis», deıdi ol.
