Aımaqtar • 23 Shilde, 2022

Túrkistanda zamanaýı jedel járdem ortalyǵy boı kóterdi

340 ret

kórsetildi

1 mın

oqý úshin

Túrkistan oblysynda jumys saparymen bolǵan Densaýlyq saqtaý mınıstri Ajar Ǵınııat zaman talaptaryna saı jabdyqtalyp, 100 paıyz sıfrlyq júıege qosylǵan medısınalyq jedel járdem ortalyǵynyń jumysymen tanysty. «Qazaqstandyq-fransýzdyq «KATKO» birlesken kásiporny» JShS demeýshiligimen boı kótergen medısınalyq stansııa 25 brıgadaǵa arnalǵan. Investısııa kólemi – 1,4 mlrd teńge.

Ǵalymjan ELShIBAI

Túrkistanda zamanaýı jedel járdem ortalyǵy boı kóterdi

Jedel járdem stansııasy jylyna 70 myńǵa jýyq shaqyrýǵa shyǵa alady. Mınıstrge salanyń nátıjeli jumystaryn baıandaǵan oblys ákimi О́mirzaq Shókeev óńirde densaýlyq salasynda jańa nysandar salynyp, dárigerlerdiń biliktiligin arttyrý, sıfrlandyrý, jedel járdem kólikterimen qamtý jumystary óz retimen júrgizilip kele jatqanyn aıtyp ótti.

Jańa ashylǵan jedel járdem stansasy 4 kategorııalyq sanat boıynsha «altyn saǵat» qaǵıdasyna saı jumys isteıdi. Ortalyqta sondaı-aq, AQSh-ta biliktiligin arttyrǵan oblys mamandary qyzmet kórsetedi.

Jalpy oblys boıynsha 140 jedel medısınalyq járdem brıgadalary shaqyrtýlarǵa qyzmet atqarady. О́ńir qajettiligi 96 paıyzǵa qamtylǵan. Jedel járdem qyzmetiniń klasteri qurylyp, aýyldyq jáne qalalyq jedel járdem qyzmetteri ortalyqtandyrylǵan. Nátıjesinde naýqastarǵa jetý ýaqyty barynsha azaıyp, qyzmet kórserý sapasy aıtarlyqtaı artqan.