Týrızm • 25 Shilde, 2022

Týrıstik-aqparattyq ortalyq qurylady

523 ret

kórsetildi

3 mın

oqý úshin

Osy ýaqytqa deıin qadirine, qasıetine jete almaı júrgen kórikti jerlerimizdi sońǵy jyldary shynaıy baǵalaı bastadyq. Álemdi koronavırýs deı-tuǵyn dert jaılaǵaly, shekaralarǵa shekteý qoıylyp, óz elimizdi aralap kettik. Sóıtip, shetelge bergisiz ásem ólkemizdi jaqyn tanı tústik. Ishki týrızmdi damytý úshin memleket tarapynan da túrli baǵdarlamalar qabyldanyp, Shyǵystaǵy birneshe týrıstik nysanǵa erekshe basymdyq berildi.

Mereı QAINARULY

Shyǵys Qazaqsanda týrızmniń qaı salasy bolmasyn, damytýǵa qolaıly óńir. Memleket tarapynan kóńil bólinip otyrǵan oryndarǵa toqtalar bolsaq, Katonqaraǵaı ulttyq tabıǵı parki jáne Rıdder qalasy men Glýbokoe aýdanyndaǵy taý shańǵysy klasteri. Bul týraly oblystyq kásipkerlik jáne ındýstrıaldy-ınnovasııalyq damý basqarmasy basshysynyń orynbasary Marat Qabaqov aıtqan edi. Katonqaraǵaı aýdanyndaǵy ulttyq tabıǵı parkiniń aýmaǵynda ekologııalyq jáne aýyldyq týrızmdi damytýdyń múmkindigi mol. Elimizdegi eń iri ulttyq park bolǵandyqtan shyǵar, munda jalpy uzyndyǵy 680 shaqyrym bolatyn 14 týrıstik marshrýt pen soqpaq bar.

– Aýdanda aýyldyq týrızmdi dóńgeletý úshin jan-jaqty jumystar júrgizilýde. Kásipkerler palatasymen birlesip, Berel aýylynyń 24 turǵynyna kásipkerlik negizderine oqytý júrgizildi. Tirkelgen 18 kásipkerdiń 15-i «Eńbek» baǵdarlamasy boıynsha 583 myń teńgeden grant aldy. Bir jobaǵa «BJK – 2025» baǵdarlamasy sheńberinde 5 mln teńge úlestirildi, – dep atap ótti Marat Qabaqov.

Sonymen qatar «Katonqaraǵaı aýdanynyń turaqty damýy» qoǵamdyq qory árbir kásipkerge 500 myń teńgeden grant bergeni úlken kómek boldy. Ol qarajatqa kásipkerler aǵymdyq jóndeý jumystaryn júrgizdi, jıhazdaryn jańartty, serýen úshin at satyp aldy. Sóıtip, maýsym aıynan bastap alǵashqy týrısterdi qabyldaýdy bastap ketken. Sońǵy jyldary týrıster legi jyl saıyn artyp keledi.

Osy oraıda aıta keterligi, Úlken Naryn aýylynda týrıstik-aqparattyq ortalyq qurý jobasy júzege asyrylyp jatyr. Bul týrıstik nysan 10 turaqty jumys ornyn qura otyryp, jergilikti týrıstik ónimder týraly aqparat berý jónindegi servıstik qyzmetti atqaratyn bolady. Iаǵnı aýdanǵa kelgen týrıst sol jerden kerekti aqparatyn alyp qana qoımaıdy, ózine qajet qonaq úıine deıin tańdap alady.

Aıtqandaı, jyl basynan beri Katonqaraǵaı aýdanynyń О́rel aýylynda 150 tósektik orynǵa arnalǵan «Muztaý» týrıstik kesheni ashyldy. О́skemende 200 tósektik orynǵa arnalǵan 3 qonaq úı jumysyn bastaıdy. Buqtyrma sý qoımasyndaǵy demalys bazasynyń qurylysy da támamdalyp qaldy. Al Glýbokoe aýdany men Rıdder qalasyndaǵy taý shańǵy bazasy qystaı úzdiksiz qyzmet kórsetip keledi.

Shyǵys Qazaqstan oblysy