Zamanaýı ortalyqtyń tehnologııalyq qural-jabdyqtarmen jaraqtalǵan. Abai IT-Valley rezıdentteri qazirdiń ózinde vırtýaldy 3D-zerthana, balabaqshalarǵa arnalǵan usaq motorıkany damytatyn 3D-oıynshyqtar, NFT-krossovkalary jáne agromaınıng baǵytyndaǵy jobalardy ázirlep úlgerdi.
Tehnologııalyq klasterdiń jobalyq menedjeri Ashat Beısembaevtyń aıtýynsha, 3D-zerthana oqýshylardyń hımııa syndy pánge qyzyǵýshylyǵyn oıatyp qana qoımaı, naqty zerthanalyq jaǵdaıda baqylanbaıtyn reaksııalarǵa baılanysty táýekelder sanyn azaıtýǵa septesýge tıis.
«Mundaı 3D-kabınet qazir kóp jáne óte tanymal. Alaıda hımııalyq zerthana – bul birinshi kezekte ınnovasııa. Nege ekeni belgisiz, osy mektep pánimen ázirleýshiler óte az jumys isteıdi», dedi A.Beısembaev.
Ortalyq ókili aıtqandaı, Abai IT-Valley – óńirlik IT-qoǵamdastyq, munda aqparattyq-kommýnıkasııalyq tehnologııalar salasyndaǵy bilimdi jetildirýge basymdyq berilgendikten bul ózara is-qımyl jáne ázirlemelerdi iske asyrý alańy sanalady. Taıaý arada onyń bazasynda egistikke arnalǵan ınvestısııalardyń korporatıvtik qoryn qurý josparlanyp otyr. Onyń resýrstary óńirdiń perspektıvaly startap-jobalaryn damytýǵa baǵyttalady.
«Qazir óńirlerde IT salasyn damytýǵa baılanysty mańyzdy mindet tur. Osyndaı klasterlerdi qurý bul jumysty jandandyrady. Endi óńirlik IT-mamandarda ózderiniń ázirlemelerin jasaýǵa múmkindik beretin, qajetti quraldarymen jumys istep, tájirıbe almasatyn, sol sekildi jańa nárselerdi meńgerýge jol ashatyn alań bar. IT-startaptar ózderiniń ınnovasııalyq ıdeıalary men jobalaryn osynda júzege asyrady», dedi Astana Hub-tyń basqarýshy dırektory Abaı Ábsamet.
Atalǵan joba Alikhan Bokeikhan University bazasynda Sıfrlyq damý, ınnovasııalar jáne aeroǵarysh ónerkásibi mınıstrliginiń, Astana Hub halyqaralyq tehnoparkiniń, Ulttyq banktiń Tólem jáne qarjylyq tehnologııalardy damytý ortalyǵynyń, sondaı-aq bıznes-qoǵamdastyqtyń qoldaýymen qurylǵanyn aıta ketken oryndy.
Abaı oblysy
