Atyraý oblystyq polısııa departamentiniń baspasóz qyzmetiniń málimetinshe, 25 shilde kúni saǵat 19:30 shamasynda 64 jastaǵy turǵyn polısııaǵa shaǵym túsirgen.
«Atyraý qalasynyń turǵyny 1992 jyly týǵan qyzynyń páter esigin ashpaı jatqanyn aıtqan. Ishinen kiltteýli turǵan páterdiń esigin ashý úshin oblystyq tótenshe jaǵdaılar departamentiniń qyzmetkerleri shaqyryldy. Páterdiń ishinen 1992 jylǵy áıel men 1996 jylǵy er adamnyń múrdesi tabyldy», dep habarlady polısııa departamentiniń baspasóz qyzmeti.
Qazir polısııa qyzmetkerleri atalǵan derekke qatysty QR Qylmystyq kodekstiń 99-babynyń 1-bóligimen tergeý amalyn júrgizýdi bastady. Qaıtys bolǵandardyń erli-zaıypty ekeni anyqtaldy.
Erli-zaıyptylardyń ortaq tórt balasy bar. Atalǵan páterdi 1992 jylǵy áıel bir aı buryn jalǵa alǵan.
