Árbir jarys úzilissiz ótkiziletin úsh kezeńnen turady: júzý - 3,86 km, velosıpedpen kirý - 180,25 km jáne marafondyq júgirý - 42,195 km. Ironman 70.3 serııalyq saıys eki ese qysqartylǵan qashyqtyqta kelesi saıystardy qarastyrady: júzý - 1,9 km, velosıped jarysy – 90 km jáne júgirý - 21,1 km.
Startqa álemniń 77 elinen 2 200 trıatlet qatysady, bul atletterdiń Qazaqstanǵa degen joǵary yqylasyn bildiredi. Bul eki jyldyq úzilisten keıin eldegi alǵashqy jarys bolǵaly tur. Uıymdastyrýshylar Ulybrıtanııa, Úndistan, Germanııa jáne Reseı elderinen trıatletter qatysady dep kútip otyr.
«Mundaı sharany ótkizý áýesqoı sportty ǵana emes, týrızmdi de damytýǵa yqpal etedi. Mysaly, Úndistannan kelgen trıatletter toby 200 adam bolyp ushady, bul bir bortty quraıdy. Sportshylar Qazaqstannyń ońtústigin aralap, elmen tanysýǵa nıettenip otyr. Meniń oıymsha, bul qala men el bıýdjetine aıtarlyqtaı úles qosady, óıtkeni ol memleket qarajatyn tartpaı júzege asyrylady», deıdi saıys dırektory Alekseı Sıdorenko.
Esterińizge sala keteıik, IRONMAN starty jyl boıy jer sharynyń túrli oryndarynda ótedi. Olardyń árqaısysynda maýsymnyń basty starty – IRONMAN álem chempıonatyna qatysýǵa quqyq beretin belgili bir oryndar (slottar) oınatylady. BI Group IRONMAN Kazakhstan Gavaıı, Kalýa-Konada IRONMAN World Championship 2021-de 45 slot oınatylady.
«Basqa elderdegi jarystardyń joıylýyna baılanysty biz jarysta 45 slot oınaýǵa múmkindik aldyq», deıdi Alekseı Sıdorenko.
Is-shara BI-Group holdınginiń, Nur-Sultan qalasy ákimdiginiń jáne Qazaqstan Trıatlon federasııasynyń qoldaýymen ótedi.
