Kezdesý barysynda qos tarap saýda-ekonomıkalyq yntymaqtastyq, ózara ınvestısııalar men bıznes-baılanystardy keńeıtý, eki eldiń týrıstik áleýetin damytý, jańa áýe reısterin ashý, sondaı-aq mádenı-gýmanıtarlyq saladaǵy ózara is-qımyl máselelerin talqylady.
Álıhan Smaıylov qazirgi ýaqytta birlesken kúsh-jigerdiń arqasynda ózara taýar aınalymynyń rekordtyq kórsetkishterge jetkenin atap ótti. Taýar aınalymy $31,7 mln-nan $147,7 mln-ǵa deıin ósti, bul ótken jyldyń uqsas kezeńimen salystarǵanda 4,7 ese kóp.
О́z kezeginde Iraklıı Garıbashvılı Qazaqstan men Grýzııanyń azyq-túlik qaýipsizdigi men júk tasymaldaýdy qosa alǵanda, kóptegen salada yntymaqtastyqty keńeıtý boıynsha áleýeti zor ekenin atap ótti.
Kezdesýde eki eldiń Úkimet basshylary Transkaspıı halyqaralyq kólik baǵdaryn (THKB) damytý máselelerin de talqylady. Onyń básekege qabilettiligin arttyrý úshin temirjol ýchaskeleri men teńiz porttaryndaǵy ınfraqurylymdyq shekteýlerdi alyp tastaý, sondaı-aq qoldanystaǵy tarıfterdi qaıta qaraý qajettigi atap ótildi.
«Bul joba eki el úshin strategııalyq mańyzǵa ıe. Qazaqstan taraptar múddeleriniń teńgerimin saqtaı otyryp, óńirdiń kólik-tranzıt áleýetin damytý jónindegi barlyq bastamalardy qoldaıdy. Jalpy THKB áleýetin arttyrý úshin basqa qatysýshylarmen birge «tar» tustaryn sınhrondy joıý jáne onyń áleýetin damytý boıynsha 2022-2025 jyldarǵa arnalǵan jol kartasyn ázirleýdi usynamyz», dedi Álıhan Smaıylov óz sózinde.
Sonymen qatar QR Premer-Mınıstri eki el arasyndaǵy týrıstik áleýetti, onyń ishinde eko- jáne etno-týrızm turǵysynan damytýdyń mańyzdylyǵyn erekshe atap ótti.
Búgingi tańda Qazaqstan Grýzııaǵa 34 tikeleı áýe reısin júzege asyrady. Bul oraıda Qazaqstannyń 12 áýejaıynda sheteldik áýe kompanııalary úshin ashyq aspan rejımi engizildi. Onyń aıasynda reıster sany boıynsha barlyq shekteýdi alyp tastaý kózdelgen.
Kezdesý qorytyndysy boıynsha taraptar birqatar ekijaqty qujattarǵa qol qoıdy.
Olar:
- Qazaqstan men Grýzııa arasyndaǵy ózara taýar aınalymynyń nomenklatýrasyn keńeıtý jónindegi 2023-2026 jyldarǵa arnalǵan jol kartasy,
- Qazaqstannyń Sıfrlyq damý, ınnovasııalar jáne aeroǵarysh ónerkásibi mınıstrligi men Grýzııanyń Ekonomıka jáne turaqty damý mınıstrligi arasyndaǵy yntymaqtastyq memorandýmy;
- «Qazaqstan temir joly» UK» AQ men «Grýzııa temir joly» AQ arasyndaǵy yntymaqtastyq týraly memorandým.
