ASTANA. 2 mamyr. Búgin Qyzylorda oblysynyń ákimi Qyrymbek Kósherbaev birqatar kadrlyq ózgerister jasaldy. Bul týraly oblys ákimi baspasóz qyzmetiniń deregine silteme jasaǵan egemen.kz tilshisi habarlady.
Qazaqstan Respýblıkasy Prezıdentiniń jáne oblys ákiminiń ókimderimen Qojanııazov Serik Salaýatuly oblys ákiminiń orynbasary, Qazaqstan Respýblıkasy Prezıdentiniń «Baıqońyr» keshenindegi arnaýly ókili bolyp taǵaıyndaldy. Oblys ákiminiń ókimimen Dúısebaev Talǵat Tursynuly - Jalaǵash aýdanynyń ákimi, Sársenbaev Qaıratbek Áýbákiruly Shıeli aýdanynyń ákimi bolyp bekitildi.
Serik Qojanııazov 1965 jyly Qyzylorda qalasynda týǵan. Kýzbass polıtehnıkalyq ınstıtýtyn - ınjener-mehanık jáne N.L. Gýmılev atyndaǵy Eýrazııalyq ulttyq ýnıversıtetin ekonomıst mamandyqtary boıynsha bitirgen. Eńbek jolyn 1989 jyly Qyzylorda jóndeý-mehanıkalyq zaýytynda ınjener-tehnolog bolyp bastaǵan. 2001-2004 jyldary oblys ákimi apparatynyń ındýstrııalyq damý bóliminiń meńgerýshisi, 2005-2007 jyldary oblystyq kásipkerlik jáne ónerkásip departamentiniń dırektory, 2007-2008 jyldary Qyzylorda qalasynyń ákimi, 2008-2012 jyldary Qazaqstan Respýblıkasy Premer-Mınıstri Keńsesiniń uıymdastyrý jumysy jáne óńirlik damý bóliminiń bas ınspektory, bólim meńgerýshisiniń orynbasary laýazymdarynda qyzmet atqardy. 2012 jyldan osy kezge deıin Qazaqstan Respýblıkasy Premer-Mınıstri Keńsesiniń óńirlik damý bóliminiń meńgerýshisi bolyp keldi.
Osy kezge deıin oblys ákiminiń orynbasary, Qazaqstan Respýblıkasy Prezıdentiniń «Baıqońyr» keshenindegi arnaýly ókili qyzmetin atqaryp kelgen Nurtaev Rzaqul Sádenuly basqa jumysqa aýysýyna baılanysty atqaratyn qyzmetinen bosatyldy.
Talǵat Dúısebaev 1973 jyly týǵan. Qyzylorda polıtehnıkalyq ınstıtýtyn - býhgalter-ekonomıst, Qaztutynýodaǵy Qaraǵandy ekonomıkalyq ýnıversıtetin zańger mamandyqtary boıynsha bitirgen. Eńbek jolyn Jalaǵash aýdandyq jasóspirimder sport mektebinde dene shynyqtyrýshy retinde bastaǵan. 1994-1998 jyldary aýdandyq bilim bóliminiń esepshisi, 1998-2004 jyldary aýdan ákimi apparatynyń ekonomıka jáne kásipkerlikti qoldaý sektorynyń bas mamany, 2004-2006 jyldary oblystyq ekonomıka jáne bıýdjettik josparlaý basqarmasynyń bólim bastyǵy, 2006-2011 jyldary oblystyq aýyl sharýashylyǵy basqarmasy bastyǵynyń orynbasary, 2011 jyldan oblystyq aýyl sharýashylyǵy basqarmasynyń basshysy bolyp keldi.
Osy kezge deıin Jalaǵash aýdanynyń ákimi bolyp kelgen Sermaǵambetov Serik Saǵıtjanuly basqa jumysqa aýysýyna baılanysty atqaratyn qyzmetinen bosatyldy.
Qaıratbek Sársenbaev 1961 jyly Qyzylorda oblysy Syrdarııa aýdanynda týǵan. Jambyl gıdromelıoratıvtik-qurylys ınstıtýtyn - ınjener-gıdrotehnık, Qazaq aýylsharýashylyq ınstıtýtyn - aýylsharýashylyq kásiporyndardyń uıymdastyrýshysy-ekonomıst, Qorqyt Ata atyndaǵy Qyzylorda memlekettik ýnıversıtetin ekonomıst-býhgalter mamandyqtary boıynsha bitirgen. Eńbek jolyn 1983 jyly Syrdarııa aýdandyq sýlandyrý júıeleri basqarmasynyń ınjeneri retinde bastaǵan. 1986-1996 jyldary aýdandyq komsomol komıtetinde, halyqtyq baqylaý komıtetinde jáne halyq depýtattary aýdandyq keńesinde túrli laýazymdarda qyzmet atqarǵan. 1996-1999 jyldary «Qazagroprombank» AQ Syrdarııa aýdandyq bólimshesiniń basqarýshysy, Syrdarııa aýdany ákiminiń birinshi orynbasary, oblys ákiminiń apparatynda bólim meńgerýshisi, 1999-2012 jyldary Syrdarııa aýdany ákiminiń orynbasary qyzmetinde boldy. 2012 jyldan osy kezge deıin oblystyq qarjy basqarmasynyń basshysy bolyp keldi.
Osy kezge deıin Shıeli aýdanynyń ákimi qyzmetin atqaryp kelgen Ergeshbaev Murat Nálhojauly basqa jumysqa aýysýyna baılanysty qyzmetinen bosatyldy.
Murat Aıtqoja.
Derekkóz: Qyzylorda oblysy ákiminiń baspasóz qyzmeti.
Foto: wikimapia.org.
