«Bıyl 6 aıda KVI-dan 785 adam qaıtys boldy. О́lim-jitim kóbinese qańtar-aqpan aıynda boldy. Atap aıtqanda, qańtarda koronavırýs saldarynan 311 adam qaıtys boldy, aqpanda - 411, naýryzda - 54, sáýirde - 3, mamyrda - 3, maýsymda - 1 jáne shilde aıynda 3 pasıent qaıtys boldy», dedi Vıacheslav Dýdnık ortalyq kommýnıkasııalar qyzmeti alańynda ótken baspasóz máslıhatynda.
Sondaı-aq elimizdiń bas memlekettik sanıtarlyq dárigeri koronavırýstan qaıtys bolǵandar týraly statıstıkanyń kúndelikti jarııalanbaýyna qatysty túsinik berdi.
«Maýsymnan bastap koronavırýs boıynsha ólim-jitim azaıdy. Statıstıkany kúndelikti jarııalaýdyń qajeti joq. Koronavırýs juqtyryp, arty ólimge alyp kelgen jaǵdaılarǵa qatysty málimet boıynsha mınıstrlikke júginýge bolady», dedi Aıjan Esmaǵambetova.
