Vashıngton jurty qazaqtyń dám-tuzyn tatty

ASTANA. 4 mamyr. Senbi, 3 mamyr kúni elimizdiń AQSh-taǵy elshiliginde qazaq dáminiń kúni ótkizildi. Osyǵan oraı dıplomatııalyq keńseniń esigi kelem deýshilerge ashyq turdy. Bul týraly Qazaqstannyń AQSh-taǵy elshiligindegi derekkózine silteme jasaǵan egemen.kz tilshisi habarlady Elshilik ókili Nurǵalı Arystanovtyń aıtýynsha, tańerteńgi saǵat 10 men keshki 5 aralyǵynda elshiliktiń esigi barlyq kelem deýshilerge ashyq bolǵan. Vashıngton turǵyndary men qonaqtary óte tómen baǵada satylǵan qazaqtyń ulttyq taǵamdary-baýyrsaq, qýyrdaqtyń dámin tatyp, ejelgi Uly Jibek Joly boıynda ornalasqan, qashannan meımandostyq peıilinen jazbaǵan halyqtyq dástúrmen tanysyp, búgingi Qazaqstannyń tynysy men onyń baı tarıhy týraly mol málimetter alǵan. Sondaı-aq, kelýshilerge Qazaqtan jaıly bestseller kitaptardyń kóshirmelerin tegin alýǵa  da múmkindik týǵyzylǵan. Elshilik qyzmetkerleri qazaq-amerıkan dostyǵy men eki aradaǵy strategııalyq áriptestikti nyǵaıta túsýde, ekonomıkalyq qatynastardyń kókjıegin keńeıtýde atqarylyp júrgen ıgilikti ister jaıynda aıtyp bergen. Mundaı shara jylyna bir ret ótkizilip, amerıkalyqtar  órkenıetter toǵysyndaǵy zaıyrly memlekettiń ósip-órkendeýimen, mundaǵy kelisim men birlikke qurylǵan tatý el tirligimen tanysady. Anar Tóleýhanqyzy. Derekkóz: egemen.kz. Foto: www.newskaz.ru.