Áreketsiz salyq tóleýshiler tiziminde bolsańyz...

Salyq kezeńi úshin Salyq ko­dek­sinde belgilengen tabys etý mer­ziminen keıin bir jyl ótken soń tabys etiletin myna deklarasııalardy tapsyrmaǵan jaǵdaıda áreketsiz salyq tóleýshi bolyp tanylady, onyń ishinde:

1) zańdy tulǵalar úshin kor­po­ratıv­tik tabys salyǵy boıynsha deklarasııa, jeke kásipkerler úshin jeke tabys salyǵy boıynsha deklarasııa;

2) zańdy tulǵalar da, jeke ká­sip­kerler de oıyn bıznesine sa­lyq, tirkelgen salyq boıynsha dek­larasııany kórsetilgen salyq ke­ze­ńinen keıingi úsh salyq kezeńi úshin usynbaǵan jaǵdaıda;

3) zańdy tulǵalar da, jeke kásip­ker­ler de eki salyq kezeńi úshin ońaı­latylǵan deklarasııany usyn­ba­ǵan jaǵdaıda.

Salyq tóleýshi óziniń áreketsiz salyq tóleýshi tiziminde bar-joǵyn kgd.gov.kz saıtynda, «Elektrondyq qyz­metter» mázirinen «Senimsiz sa­lyq tóleý­shilerdi izdeý» bóli­min­de teksere alady.

Eger senimsiz salyq tóleý­shi­ler tizimine ense

Eger salyq tóleýshi osy tizimde bolsa, onda myna talaptardy oryndaý qajet:

1) salyq eseptiligin tabys etý jáne eseptelgen salyqtardy tóleý boıynsha salyq mindettemelerin oryndaý;

2) «Ákimshilik quqyq bu­zý­shy­lyq týraly» Qazaqstan Res­pýb­lıkasy Ko­dek­siniń 272-babyna sáıkes ákim­­shilik materıaldy re­simdeý úshin ornalasqan jeri bo­ıynsha Mem­le­ket­tik kirister bas­qarmasyna kelý.

Senimsiz salyq tóleýshiler tizi­minen alyp tastaýdyń jalpy merzi­mi – 5 jumys kúni.

Tizimnen shyǵarylǵanyn 5 kún­nen keıin «Senimsiz tóleý­shi­ler­di izdeý» bóliminde saıttan tekserýge bolady.

Áreketsiz salyq tóleýshi bolý­dyń kemshilikteri

Áreketsiz salyq tóleýshiler tizimin­de­gilerdiń mynadaı saldary bar:

- QQS boıynsha esepten shyǵarý;

- seriktestik qyzmetindegi kontra­gent­terdiń kúmándanýy;

- bankterde shot ashý jáne nesıe alý múmkindiginiń bolmaýy.

2022 jyly áreketsiz dep ta­nyl­ǵan barlyq salyq tóleý­shi­ler­diń sany 11 180 adamdy qu­raı­dy.