Qazaqstan quramasy toptyq kezeńdegi ekinshi oıynyn Grýzııamen ótkizip, 7:1 esebimen jeńiske jetti.
Vıtalıı Tıýlpa ekinshi oıyn qatarynan esep ashyp, Qazaqstan quramasyn alǵashqy taımda alǵa shyǵardy. Ári qaraı Baıanbek Mýralınov pen Dmıtrıı Perevertov qos-qostan gol soqty. Asqar Ájikenovtiń qaıshylaı tepken goly da qaqpa torynan tabyldy.
Oıyn sońyna qaraı Grýzııa quramasy qarymta gol soqqan. Alaıda Qazaqstan quramasynyń oıynshysy Ańsat Muratuly kezekti goldy soǵyp, match núktesin qoıdy. Esep – 7:1.
Qazaqstan – Grýzııa – 7:1
Goldar: Tıýlpa, Mýralınov - 2, Perevertov - 2, Ájikenov, Muratuly – Dıakvnıshvılı;
28.07.2022. Eýrolıga, «B» dıvızıony.
Negizgi stadıon. Kıshınev, Moldova.
Aıta keteıik, Qazaqstan quramasy alǵashqy kezdesýde Norvegııany 7:3 esebimen utqan bolatyn. Bizdiń jigitter kelesi oıynyn 29 shilde kúni Grekııamen ótkizedi. Oıyn elorda ýaqytymen 19:00-de bastalady.
