Jıyn barysynda Densaýlyq saqtaý mınıstrliginiń ókilderi COVID-19 aýrýynyń ósýi jáne ınfeksııany taratpaý jáne emdeý boıynsha qabyldanyp jatqan sharalar týraly habarlady.
«Qazaqstanda 20 maýsymnan bastap KVI aýrýshańdyǵynyń ósýi baıqalady, sońǵy aptada aldyńǵy aptamen salystyrǵanda aýrýshańdyq 1,9 esege, ıaǵnı, 8 156-dan 15 503 jaǵdaıǵa deıin ósti. Táýligine 2 700-ge deıin KVI+ jáne 20-ǵa deıin KVI- jaǵdaılary tirkeledi», dep atap ótti Densaýlyq saqtaý vıse-mınıstri – Bas memlekettik sanıtarlyq dárigeri Aıjan Esmaǵambetova.
Bul rette sońǵy aptada aýyrǵandardyń 70%-y 3 óńirge – Almaty, Nur-Sultan jáne Qaraǵandy oblystaryna tán. Aıta ketetin jaıt, syrqattanýshylyqtyń kóterilýine qaramastan, naýqastardy aýrýhanaǵa jatqyzý deńgeıi áli de tómen bolyp qalýda.
Densaýlyq saqtaý vıse-mınıstri Vıacheslav Dýdnık COVID-19-ben syrqat pasıentterdiń 93%-dan astamy ambýlatorııalyq deńgeıde emdelip jatqanyn aıtty.
«Koronavırýs ınfeksııasy aýrýshańdyǵynyń artýyna baılanysty medısınalyq-sanıtarlyq alǵashqy kómek uıymdary kabınetterdiń súzgi jumysyn qamtamasyz iete otyryp, sanıtarlyq-dezınfeksııalyq jáne epıdemıologııalyq rejimdi saqtaı otyryp, shtattyq rejimde jumys isteıdi. Koronavırýs ınfeksııasy dıagnozy bar pasıentterdiń 93%-dan astamy ambýlatorııalyq deńgeıde em alýda», dedi V.Dýdnık.
Sonymen qatar, ol búgingi tańda KVI-men aýyratyndardyń arasynda aýrýdyń jeńil, asımptomatıkalyq aǵymy baıqalatynyn, qysqa ınkýbasııalyq kýrs 2-den 14 kúnge deıin, ortasha eseppen 2-4 kúnge deıin sozylatynyn jetkizdi.
«Naýqastar kóbine joǵary qyzba, jalpy álsizdik, qatty bas aýrýy sımptomdaryna shaǵymdanady. Aýrýdyń aýyr aǵymynda neırotoksıkoz, elektrolıt balansynyń buzylýy, gıpovolemııalyq shok baıqalady», dedi vıse-mınıstr.
Densaýlyq saqtaý mınıstrliginiń málimetine súıensek, ambýlatorııalyq deńgeıde tegin medısınalyq kómektiń kepildik berilgen kólemi sheńberinde koronavırýs ınfeksııasy bar pasıentterdi 5 preparatpen qamtamasyz etý uıymdastyryldy. Bul – qyzý túsirgish dáriler jáne antıkoagýlıanttar. Bular jetkilikti mólsherde bar. Koronavırýs ınfeksııasy bar pasıentterge medısınalyq-sanıtarlyq alǵashqy kómek deńgeıinde ýaqtyly medısınalyq kómek kórsetý úshin KVI bar naýqastardy baqylaý boıynsha 2 380 mobıldi brıgada uıymdastyryldy, onyń 1 myńy aýylda. Bul rette rezervte 1 600-den astam mobıldi brıgada bar.
«Esterińizge sala keteıik, mobıldi brıgadalar 5 myń jáne odan da kóp halyqqa 1 brıgada esebinen uıymdastyrylady. Aýyl deńgeıinde dárigerlik ambýlatorııanyń jáne medısınalyq-sanıtarlyq alǵashqy kómek ortalyǵynyń janynan keminde bir mobıldi brıgada qurylady. Jiti respıratorlyq aýrý belgileri bar jáne koronavırýs ınfeksııasyna kúdikti nemese naýqas pasıentterge úıge shyǵý kezinde PTR ádisimen koronavırýs ınfeksııasyna bıologııalyq materıaldar úlgilerin alý júrgiziledi. «COVID-19 koronavırýs ınfeksııasy» dıagnostıkasy men emdeýdiń klınıkalyq hattamasyna sáıkes dári-dármekter taǵaıyndalady, qajet bolǵan jaǵdaıda dári-dármekter naýqasqa jetkiziledi. 2022 jyldyń I jartyjyldyǵynda mobıldi brıgadalar 815 myń shyǵýdy júzege asyrdy. Eń kóp shyǵý Qaraǵandy oblysynda, Nur-Sultan jáne Almaty qalalarynda júzege asyryldy», delingen mınıstrlik taratqan málimette.
Medısınalyq qyzmetterdi stasıonarlyq kórsetýge qatysty respýblıkada KVI boıynsha stasıonarlyq kómekti qýattylyǵy 4 505 tósektik 180 medısınalyq uıym kórsetedi, 1 342 pasıent emdeýge jatqyzyldy.
«Stasıonarlyq emdeýdegi pasıentterdiń taldaýyna sáıkes balalar sany 36 %-dy quraıdy. Eresek pasıentter 64 %-dy qurady, onyń ishinde jasy 60 jastan joǵary adamdar – 22 %. 50 %-dan astamy qatar júretin aýrýlary barlar, onyń ishinde qan aınalymy júıesiniń aýrýlary – 19%, tynys alý organdarynyń aýrýlary, qant dıabeti jáne semizdik – 5 %. Búgingi tańda naýqastardyń arasynda 18 %-ben 249 júkti áıel bar», dedi V.Dýdnık.
Sonymen qatar rezervte 138 medısınalyq uıymda 20 myńnan astam ınfeksııalyq tósek bar.
«Taǵy da eske salǵym keletini, bizge ınfeksııanyń aýyr túrlerinen jáne aýrýhanaǵa jatqyzýdan naqty aldyn alý sharasy qoljetimdi. Bul KVI-ge qarsy vaksınalaý. Vaksınalaý jáne revaksınalaý ınfeksııadan jalǵyz qorǵanys bolyp qala beredi. Almaty jáne Nur-Sultan qalalarynyń mysalynda biz aýyrǵandardyń 80 %-y vaksınalanbaǵan adamdar nemese 6 aı buryn vaksınalanǵandar ekenin kóremiz, bul KVI-ge qarsy vaksınalaý qajettiligin taǵy da rastaıdy», dep atap ótti Bas memlekettik sanıtarııalyq dáriger.
Búgingi tańda KVI-ǵa qarsy vaksınamen eresek turǵyndardyń 80%-dan astamy nemese eldiń barlyq halqynyń 56%-dan astamy qamtylǵan.
«COVID-19-ǵa qarsy revaksına aldyńǵy vaksınalardyń kómegimen paıda bolǵan vaksınadan keıingi ımmýnıtetti saqtaýǵa jáne aǵzany aýrýdan qorǵaýdy kúsheıtýge baǵyttalǵanyn atap ótken jón. О́kinishke qaraı, vaksınalanǵan adamdarda, sondaı-aq KVI-men aýyrǵan adamdarda ýaqyt óte kele deneniń ınfeksııadan qorǵalý deńgeıi tómendeıdi, nátıjesinde adam qaıtadan ınfeksııaǵa sezimtal bolady. Osyǵan baılanysty, vaksınanyń alǵashqy kýrsyn alǵannan keıin 6 aıdan keıin KVI-ǵa qarsy revaksına alý usynylady», dedi A.Esmaǵambetova.
