Akınorı Almatyda turaqtaı ma?

Sportsúıer qaýym, sońǵy jyldary sýmo kúresiniń has sheberi Asasıorıý Akınorıdiń Almatyǵy qaıta-qaıta kelip júrgenin biledi. Sóıtsek, onyń da ózindik syry bar eken.  Eń basty júlde – Imperator Kýbogyn 25 ret jeńip alǵan áıgili mońǵol  jigiti qazaq jerinde sýmo kúresin damytýdy qolǵa almaq. Ýlan Batorda týǵan balýan HHI ǵasyr­dyń tuńǵysh ıokodzýny (sýmo kúre­siniń eń bıik dárejesi). Iаǵnı, Mońǵolııadaǵy sýmo tarıhyndaǵy alǵashqy balýan jáne ıokodzýn joǵary ataǵyn alǵan úshinshi sheteldik.  Jasy áli otyzǵa jetpegen dańqty Asa­sıorıý: «Kezinde meniń kúresterim arqyly Mońǵolııa álemge tanyldy. Endi men qazaqstandyq sportshylar óz eliniń dańqyn arttyrýy úshin bar bilimim men tájirıbemdi osy óreli iske jumsaǵym keledi», dep aǵynan jarylyp otyr. Kóbinese kúreske «Kók aıdahar» degen laqap atpen shyǵatyn sýmoshynyń shyn aty-jóni – Dolgorsýrengıın Dagvadorj. Ýlan Batorda ulttyq kúres stıli boıynsha dańqy shyqqan otbasynda týǵan Asasıorıý Akınorıdiń qalǵan úsh aǵasy da tanymal sport tulǵalary kórinedi. Sýmo jekpe-jegi boıynsha búginge deıin aldyna jan salmaǵan alyptyń biri osynyń aldynda Qazaqstanǵa «Bes qarý» atty  ulttyq sport túrleri Qaýymdastyǵynyń prezıdenti Dáýren Musanyń shaqyrtýymen kelgen-di. О́tken jyly «Kók aıdahar» Qazaq­standy aralap, talantty bir sportshy taýyp, japon ulttyq kúresiniń búkil qyr-syryna baýlymaq nıetin bildirgen edi. Onyń oıynsha, qazaqstandyqtar kóbinese London olımpıadasynda kúshke salatyn sport túrlerine beıimdiligin kórsetken. Sonymen áıgili sýmoshy Almaty qalasy ákiminiń qabyldaýynda bolyp, ońtústik astanada kúrestiń osy túrin damytýǵa yntaly ekendigin bildirgen. О́z kezeginde ákim Ahmetjan Esimov bul bastamany qoldap: «Almaty –  Qazaqstannyń sport ortalyǵy. Bizdiń megapolıste sporttyń kóp túri damyǵan. Sportqa qoldaý kórsetý bizdiń basty mindetimizdiń biri. Sondyqtan, qalamyzda kóptegen seksııalardyń, sonyń ishinde sýmonyń da ashylǵanyn qalaımyz», – dedi. Aınash ESALI, «Egemen Qazaqstan». ALMATY.