Komıssııa músheleri elordada otbasylyq qundylyqtardy dáripteýge jáne otbasy ınstıtýtyn arttyrýǵa baǵyttalǵan ulttyq baıqaýǵa baq synaýǵa ótinim bergen otbasylardyń ishinen úzdigin tańdaý úshin, 151 qujatty qarap, beıne rolıkterdi kórdi.
Bıylǵy baıqaý komıssııasynyń quramynda Nur-Sultan qalasy ákiminiń orynbasary Eset Baıken, Nur-Sultan qalasy Ishki saıasat basqarmasynyń basshysy Dáýren Babamuratov, qala ákiminiń keńesshisi Qaraqat Ábden, «Otbasylyq tabys ortalyǵy» QQ dırektory Roza Bekisheva, «Aǵabek Qarabekov atyndaǵy» qoǵamdyq qordyń dırektory Roza Qarabekova, «Rýhanı QOǴAM ÁLEMI» qoǵamdyq qorynyń dırektory Lımana Qoıshıeva, Nur-Sultan qalasy boıynsha «Mereıli otbasy-2021» ulttyq baıqaýynyń jeńimpazy Alma Saılaýqyzy, Nur-Sultan qalasy QHA Analar keńesiniń tóraıymy Altynaı Táńirbergenova bar.
Úzdik otbasylardy aıqyndaý týraly sheshim qabyldaý kezinde komıssııa músheleri otbasy músheleriniń árqaısynyń jetken jetistikterine, onyń mańyzdylyǵyna mán berdi (otbasy tarıhy – vızıt kartasy – tanystyrý rásimi). Sol sııaqty otbasylyq dástúrler men jádigerleri, rýhanı-adamgershilik qundylyqtary, balalary men nemereleriniń shyqqan bıikteri nazardan tys qalmady. Al ata-analardyń jetistikteri, otbasy quramy, árqaısysynyń daryny da eskerildi. Otbasynyń ómir salty (salaýatty ómir salty, bos ýaqytty ótkizý), qoǵamdyq paıdaly qyzmetke qatysý (volonterlik, qaıyrymdylyq, mesenattyq), qamqorshysy joq balalarǵa qamqorshylyq, tálimgerlik isteri de esepke alyndy.
