Áskerı paradqa ázirlik jaıyna arnaldy

Qazaqstan Prezıdenti janyndaǵy Ortalyq kommýnıkasııalar qyzmetinde Parad qolbasshysy, Qazaqstan Respýblıkasy Qarýly Kúshteri Qurlyq áskerleriniń bas qolbasshysy general-leıtenant Murat Maıkeev pen Qurlyq áskerleri bas qolbasshysynyń orynbasary polkovnık Jumabek Hasenovtiń qatysýymen brıfıng ótti. Brıfıngtiń taqyryby 7 mamyrda Astanadaǵy «Qazaq eli» alańynda ótetin áskerı paradqa daıyndyq barysy boldy. M.Maıkeevtiń málimdeýinshe, 2014 jylǵy paradtyń basty ereksheligi onyń tehnologııalyq sıpaty bolyp tabylady. Qazaq­stan armııasynyń jańa jáne zamanaýı qarý-jaraǵy men áskerı tehnıkasynyń úlgilerin kórsetýge basymdyq beriletin bolady. «Paradta kórsetiletin teh­nı­kanyń bir bóligi Qazaqstannyń qorǵanys-ónerkásiptik kásip­oryn­darynda jańǵyrtylǵan nemese shyǵarylǵan», dep atap ótti M.Maı­keev. Áskerı sherýge Qorǵanys, Ishki ister, Tótenshe jaǵdaılar mınıs­tr­likteriniń, Ulttyq qaýipsizdik ko­mıtetiniń, Memlekettik kúzet qyzmetiniń, sondaı-aq, Qorǵanys mınıstrliginiń, IIM jáne TJM-niń áskerı tehnıkalary men avıa­sııasy qatysady. Áskerı sherýdiń saltanatty mar­shynyń jaıaý leginde 2000-ǵa jýyq áskerı qyzmetshi júrip ótedi, onyń 1500-i Qarýly Kúsh­ter­diń jeke quramy. Mehanı­ka­lan­dyrylǵan kolonnaǵa 200-den astam áskerı tehnıka birligi tartylady. Jalpy, Astana aspanynda bul kúni maıdandyq, armııalyq jáne áskerı-transporttyq avıa­sııa­nyń eń úzdik toptary sap túzeı­di. «Qazaq eli» alańy ústinen 7 mamyr kúni 70-ten astam qazaq­stan­dyq Áskerı-áýe kúshteriniń avıa­sııalyq tehnıkasy ushyp ótpek. Sherýge qatysý úshin elimizdiń barlyq áskerı garnızondary men áskerı bólimderinen áskerı qyz­metshiler tartylǵan, onyń ishinde áıel áskerı qyzmetshiler de bar. «Egemen-aqparat».