Prezıdent tapsyrmalary erekshe baqylaýǵa alynsyn

«Qazaqstan-2050» Strategııasy mindetterin tıimdi júzege asyrý jáne basty maqsat – álemdegi asa damyǵan 30 eldiń qataryna ený úshin Qazaqstan Respýblıkasy Prezıdentiniń Ákimshiligi tarapynan Memleket basshysynyń tapsyrmalaryn oryndaýǵa ba­qy­laýdy kúsheıtý jáne saıası qyz­metkerlerdiń jaýapkershiligin arttyrý boıynsha jumystardyń jańa pishini engizildi. Prezıdent Ákimshiliginiń qury­lymdyq bólimshelerinde sarap­tamalyq toptar qury­lyp, Memleket basshysy tapsyr­ma­lary­nyń sapaly jáne ýaqtyly oryndalýyn baqylaý boıynsha jańa júıe jasaldy. Ústimizdegi jyldyń sáýirinen bastap Memleket basshysynyń akti­leri men tapsyrmalaryn oryn­daý boıynsha júrgizilip jat­qan jumystar týraly Pre­mer-Mınıstr Keńsesi basshy­ly­ǵynyń, mınıstrlerdiń oryn­­basar­larynyń, jaýapty hat­shy­lardyń, oblys ákimderi oryn­basarlarynyń, ulttyq kompanııalar jetekshileriniń esepteri tyńdalatyn apta saıynǵy keńes tájirıbesi engizildi. Keńes qorytyndylary boıynsha Prezıdent Ákimshiligi Úkimetke Memleket basshysynyń tapsyrmalaryn sapaly jáne ýaq­tyly júzege asyrý boıynsha, qajet bolǵan jaǵdaıda ortalyq já­ne jer­gilikti memlekettik organ­dar­dyń saıası memlekettik qyzmet­ker­lerin jaýapkershilikke tartý tý­raly usynymdamalar joldaıdy. Birinshi keńestiń qory­tyn­dy­lary boıynsha Úkimetke Memleket basshysynyń oryndalý merzimi eseptik kezeńge sáıkes kelgen 33 tapsyrmasynyń júzege asyrylý barysy týraly usynymdamalar joldandy. Úkimet engizilgen usy­nym­da­malar men usynystardy oryndaý boıynsha jedel túrde sharalar qabyldady. Qazaqstan Respýblıkasy Pre­mer-Mınıstriniń osy ókiminiń ne­gizinde Úkimettiń 2014 jylǵa ar­nalǵan zań jobalaý jumystaryn oryndaý josparynyń merzimin buzǵany úshin Qarjy vıse-mı­nıstri R. Dálenov pen Ekonomıka jáne bıýdjettik josparlaý vıse-mınıstri M. Ábilqasymovaǵa, Mo­noqalalardy damytý baǵdar­lamasyn júzege asyrýǵa baqy­laýdy álsiretkeni úshin О́ńir­lik damý vıse-mınıstri S. Juman­ǵa­rınge eskertýler jarııalandy. Prezıdent Ákimshiligi men Úki­mettiń Memleket basshysynyń tap­syrmalaryn ýaqtyly jáne sapaly oryndaý boıynsha birlesken jumysy jalǵastyrylatyn bolady.