Qazaqstandyq Keńes Odaǵynyń Batyrlary jaıly serıal túsirilmek

ASTANA. 5 mamyr. «Generaldar keńesi» respýblıkalyq qoǵamdyq uıymy prezıdıýmynyń tóraǵasy, ádilet general-maıory Rústem Qaıdarov Uly Otan soǵysynda ot keshken qazaqstandyq 528 Keńes odaǵynyń batyry jaıly serıal túsiriletinin aıtty.  Bul týraly gazeta kz habarlady. Rústem Qaıdarovtyń sózine qaraǵanda, atalǵan fılmde árbir batyrdyń ómiri men eńbegi, erligi qamtylady. Bul serıaldy túsirý barysynda ár oblystaǵy memlekettik organdar men arhıv qyzmetkerleri kómekke shaqyrylmaq. Qazir qazaqstandyq 510 Keńes odaǵynyń batyry jaıly málimetter jınalǵan. Olar týraly maǵlumattardy tolyqtyra túsý úshin jergilikti ýchaskelik ınspektorlar jumyldyrylýda. General-maıor Rústem Qaıdarov: «Ekinshi dúnıejúzilik soǵysqa barlyǵy 72 memleket qatysty, 60 mıllıon adam ajal qushty, 110 mıllıon adam jaralandy. Al Qazaqstannan qan maıdanǵa 1 200 000 adam attandy. Onyń ishinde 600 myń adam qaza boldy. Bir ǵana Shyǵys Qazaqstan oblysynan 111 Keńes odaǵynyń batyry shyqqan. Osydan-aq, Qazaqstannyń otanyn qorǵaýǵa qosqan úlesiniń zor ekendigin kórýge bolady», – dedi. Joldybaı Bazar. Derekkóz: gazeta kz. Foto: kargoo.gov.kz.