«EAEO sheńberinde júrgizilip jatqan jumys barysynda avtomobılderge «SOS» batyrmasyn ornatý boıynsha mindetteme alynyp tastaldy. Bul ákelinetin árbir avtomobılge osyndaı qurylǵylardy ornatý úshin el azamattaryn qosymsha shyǵynǵa ushyratpaý turǵysynda tıimdi. Sonymen qatar, elektr qurylǵylarynyń energııa tıimdiligi týraly tehnıkalyq reglamenttiń kúshine ený merzimi uzartyldy, bul turmystyq tehnıkanyń baǵasyn edáýir arttyrýy múmkin», dep jazylǵan habarlamada.
Sondaı-aq bıyl Standarttaý jospary sheńberinde 340 standart ázirlenip jatyr. Onyń 140-y memleketaralyq standarttar. Alǵash ret ǵylymı-eksperımenttik zertteýler júrgize otyryp, standarttardy ázirleý tikeleı kózdelgen. Qazirdiń ózinde birqatar áleýmettik mańyzy bar standart qabyldandy. Atap aıtqanda olar elektr samokattaryna qatysty.
