Qazaqstan quramasy Fransııadan eki ret utyldy

Mamyrdyń 5-ine qaraǵan túni shaı­baly hokkeıden Qazaqstan qu­ramasy Fransııanyń Rýan qalasynda álem chempıonaty qarsańyndaǵy daıyn­dyq retinde osy eldiń bas koman­dasymen joldastyq kezdesý ótki­zip, atalmysh jamaǵattan qatary­nan ekinshi jeńili­ske ushyrady. Kezdesý 3:5 esebimen aıaqtaldy. Matchta qazaqstandyq Roman Star­­chenko esep ashqannan keıin, fran­­sýzdar Vıtalıı Eremeevtiń qaqpa­syn tórt ret dál kózdeı bildi. Oıyn­nyń úshinshi kezeńinde bizdiń jasaq­qa R.Starchenko men Talǵat Jaı­laýovtyń goldary arqyly esep­ti qysqartýdyń oraıy keldi. Al sońǵy núkteni fransýzdar qoıdy. Aıta ketetin bir jaıt, bul komandalardyń budan bir kún buryn ótken birinshi joldastyq kezdesýinde fransýzdar 3:1 esebimen basym túsken edi. Qazaqstandyqtar quramynan jalǵyz shaıbany R.Starchenko saldy. Bul kezdesýde qaqpada Alekseı Ivanov turdy. Taǵy da eske sala keteıik, mu­nyń aldynda Qazaqstan qura­­­ma­sy Ita­lııa komandasymen de eki jol­das­tyq kezdesý ótkizgen. Onyń birinshi mat­chynda bizdiń jer­lesterimiz 1:3 bolyp utylsa, ekinshisinde 4:2 ese­bimen qarymta qaıtardy. Ústimizdegi jylǵy elıtalyq dı­vızıondaǵy álem chempıonaty 9 mamyr kúni Belarýstiń astanasy – Mınsk qalasynda bastalady. Onda Qazaqstan quramasy «V» to­byn­da Fınlıandııa, Reseı, AQSh, Shveı­sarııa, Germanııa, Latvııa jáne Be­larýs quramalarymen kúsh synasady. Damır QOJAMQUL.