Berdiqulov týrnıri

9-10 mamyr kúnderi Astanada Sport jáne deneshynyq­tyrý  isteri  agenttiginiń uıymdastyrýymen BAQ ókilderi  arasynda kórnekti qoǵam qaıratkeri, jazýshy,  sport jýrnalısi Seıdahmet  Berdiqulovty  eske alýǵa  arnalǵan  shaǵyn fýtboldan  dástúrli  respýblıkalyq týrnır ótedi. Bul shara 1995 jyldan beri Almatyda ótkizilip kelgen edi. Endi, mine, elimizdiń ortalyq basy­lymdarynyń jáne basqa da gazet, telearnalardyń, ınternet-saıt­tardyń Astanada ornalasýyna baı­lanysty S.Berdiqulovty eske alýǵa arnalǵan týrnırdi Astanada ótkizýge sheshim qabyldanyp otyr. Osyǵan oraı jarysty 9-10 mamyr kúnderi «Astana-Arena» stadıonynda ótkizý josparlanýda. S.Berdiqulov týrnıri, joǵaryda atap ótkenimizdeı, Almatyda 1995 jyldan beri ótip kelgen edi. Sol kezde ol Baılanys jáne aqparat mınıstrligi, odan ke­ıin 2008 jyldan bastap Týrızm jáne sport mınıstrliginiń uıym­dastyrýymen ótkenin bilemiz. Al 2011 jyly Sport jáne deneshy­nyqtyrý isteri agenttigi Shymkent qalasynda sporttyń bes túrinen alǵash ret BAQ arasynda S.Ber­di­qulovty eske alýǵa arnalǵan I spartakıada ótkizdi. Bul jarys endi jýrnalıster arasynda tórt jylda bir ret ótetin bolyp sheshildi. Aldaǵy kezde spartakıada odan saıyn qyzyqty jáne tartymdy ótýi úshin onyń baǵdarlamasyndaǵy sport túrleriniń sanyn kóbeıtý josparlanypty. Sport jáne deneshynyqtyrý isteri agenttigi bıylǵy jýrnalıster jarysyn qyzyqty ótkizý úshin qolda bar múmkindiktiń bárin jasaıtynyn, al Qazaqstan fýtbol federasııasy, «Astana-1964» fýtbol klýby, Qazaqstan sport baspasózi qaýymdastyǵy, «Astana-Arena» stadıony men «Ulttyq shtattyq komandalar jáne sport rezervi dıreksııasy» RMQK qoldaý kórsetetinin de habarlady. Týrnırdiń mandattyq komıs­sııasynyń otyrysy 7 mamyr kúni saǵat 18.00-de «Astana-Arena» stadıonynda ótedi. «Egemen-aqparat».