Merekeli de shýaqty mamyr aıy jańaózendikter úshin jańalyqtarmen bastaldy. Sol kúni saltanatpen ashylyp, qala sánine sán qosyp, halyqtyń ıgiligine qyzmet etetin nysandar qatarynda – Neke saraıy da bar. Bul Jańaózen qalasynyń turǵyndary, ásirese úlken ómir tabaldyryǵynan qol ustasa attaǵan jastar jaǵy biraz jyldardan beri asyǵa kútken oryn bolatyn.
Sońǵy jyldary damýyna aıryqsha mán berilip, arnaıy jospar-jobalar, baǵdarlamalar iske qosylǵan Jańaózende búginge deıin biraz nysandardyń tusaýy kesilgeni kópke aıan. Jańadan ashylǵan mektep, balabaqshalarda jas jetkinshekter bilim-tárbıe alyp jatsa, Teńge, Qyzylsaı aýyldarynda boı kótergen mádenıet úılerinde osy salanyń jumysy júrip jatyr. Jańarǵan shaǵyn dárigerlik pýnkt nemese kásibin bastaımyn deýshilerge qutty oryn bolǵan bıznes-ınkýbator, munaıshylarǵa arnalǵan qyzmettik ǵımarattar da sońǵy jyldardyń jańalyǵy. Bir súısinerligi, mundaı jańashyl isterdiń birqatarynyń basy-qasynan «QazMunaıGaz» Barlaý О́ndirý» AQ pen onyń enshiles kásiporny «О́zenmunaıgaz» AQ tabylyp júredi. Jańaózen qalasy turǵyndaryn qýanyshqa bólegen Neke saraıy qurylysynda da atalmysh munaı mekemeleriniń úlesi bar. Jer qoınaýyn paıdalanýshy retinde Jańaózen qalasy men Qaraqııa aýdany ınfraqurylymynyń damýyna atsalysýdy paryz dep biletin munaı kompanııalary jyl saıyn munaıly qala úshin 750 myń teńge, al Qaraqııa aýdany úshin 150 myń teńge kóleminde kómek kórsetip keledi. Jańaózendikter men qala qonaqtary úshin kózaıym bolǵan Neke saraıy osy qoldaý demeýshiliktiń biri eken.
Qala ortalyǵynan salynǵan nysannyń syrtqy beınesi kórikti, ishi keń, jaryq, ári ádemi bezendirilgen. Jańaózen qalasyna jumys sapary barysynda Neke saraıynyń tusaýyn kesken Mańǵystaý oblysynyń ákimi A.Aıdarbaev atalmysh nysannyń jańaózendikterdiń nekege turý, náresteli bolý, kúmis, altyn toılary syndy árbir qýanyshty sátin toılaıtyn meken bolatyndyǵyna tilektestigin bildirdi. Sondaı-aq, Neke saraıynyń tabaldyryǵyn alǵash attap, nekesin jańa ǵımaratta tirketken juptar – M.Asqarov pen Z.Táńirbergenovaǵa, A.Musaev pen Z.Derekbaevaǵa shetelde demalý úshin arnaıy joldamany syıǵa tartty. Jubaılyq ómirlerin tosyn syımen bastaǵan jastardyń qýanyshynda shek bolǵan joq.
Jaqsylyq munymen shektelmesin, táýelsiz elimizdiń keregesin keńeıtip, shańyraǵyn bıiktete túser qarakózderdi qutty jolǵa bastaıtyn bosaǵa bolǵaı desti jurt.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Sońǵy jyldary damýyna aıryqsha mán berilip, arnaıy jospar-jobalar, baǵdarlamalar iske qosylǵan Jańaózende búginge deıin biraz nysandardyń tusaýy kesilgeni kópke aıan. Jańadan ashylǵan mektep, balabaqshalarda jas jetkinshekter bilim-tárbıe alyp jatsa, Teńge, Qyzylsaı aýyldarynda boı kótergen mádenıet úılerinde osy salanyń jumysy júrip jatyr. Jańarǵan shaǵyn dárigerlik pýnkt nemese kásibin bastaımyn deýshilerge qutty oryn bolǵan bıznes-ınkýbator, munaıshylarǵa arnalǵan qyzmettik ǵımarattar da sońǵy jyldardyń jańalyǵy. Bir súısinerligi, mundaı jańashyl isterdiń birqatarynyń basy-qasynan «QazMunaıGaz» Barlaý О́ndirý» AQ pen onyń enshiles kásiporny «О́zenmunaıgaz» AQ tabylyp júredi. Jańaózen qalasy turǵyndaryn qýanyshqa bólegen Neke saraıy qurylysynda da atalmysh munaı mekemeleriniń úlesi bar. Jer qoınaýyn paıdalanýshy retinde Jańaózen qalasy men Qaraqııa aýdany ınfraqurylymynyń damýyna atsalysýdy paryz dep biletin munaı kompanııalary jyl saıyn munaıly qala úshin 750 myń teńge, al Qaraqııa aýdany úshin 150 myń teńge kóleminde kómek kórsetip keledi. Jańaózendikter men qala qonaqtary úshin kózaıym bolǵan Neke saraıy osy qoldaý demeýshiliktiń biri eken.
Qala ortalyǵynan salynǵan nysannyń syrtqy beınesi kórikti, ishi keń, jaryq, ári ádemi bezendirilgen. Jańaózen qalasyna jumys sapary barysynda Neke saraıynyń tusaýyn kesken Mańǵystaý oblysynyń ákimi A.Aıdarbaev atalmysh nysannyń jańaózendikterdiń nekege turý, náresteli bolý, kúmis, altyn toılary syndy árbir qýanyshty sátin toılaıtyn meken bolatyndyǵyna tilektestigin bildirdi. Sondaı-aq, Neke saraıynyń tabaldyryǵyn alǵash attap, nekesin jańa ǵımaratta tirketken juptar – M.Asqarov pen Z.Táńirbergenovaǵa, A.Musaev pen Z.Derekbaevaǵa shetelde demalý úshin arnaıy joldamany syıǵa tartty. Jubaılyq ómirlerin tosyn syımen bastaǵan jastardyń qýanyshynda shek bolǵan joq.
Jaqsylyq munymen shektelmesin, táýelsiz elimizdiń keregesin keńeıtip, shańyraǵyn bıiktete túser qarakózderdi qutty jolǵa bastaıtyn bosaǵa bolǵaı desti jurt.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
