Halyqaralyq aýqymdaǵy jumystar óz deńgeıinde júrip jatyr

Keshe elordadaǵy Ulttyq akademııalyq kitaphanada Qazaqstan Respýblıkasynyń IýNESKO jáne ISESKO isteri jónindegi Ulttyq komıssııasynyń jyl saıyn ótetin kezekti otyrysy uıymdas­­­ty­ryldy. Atalǵan shara Ulttyq komıssııanyń jańa­dan taǵaıyndalǵan tóraǵasy – Mádenıet mınıs­tri Arystanbek Muhamedıulynyń tóraǵalyǵymen ótti. Jıynda alǵashqy baıandamany jasaǵan IýNESKO-nyń Almaty qalasyndaǵy Klasterlik bıýro­­synyń dırektory Sergeı Laza­rev byltyr Astanada ótki­zilgen «Myńjyldyq damý maqsat­tary­­­­nyń» máseleleri talqylanǵan aı­maqaralyq forýmnyń bilim salasyn jetildirýge jáne 2015 jyl­dan keıingi damý stra­­­te­­gııasyn jasaýǵa arnalǵanyn atap ótti. Elimizdiń IýNESKO men­ ISESKO uıymdastyratyn ǵy­lymı jobalardyń jáne bilim berý kýrstarynyń, sondaı-aq, halyqaralyq stıpendııalardyń turaqty qatysýshysy ekenin málimdedi. Sonyń ishinde ótken jyly respýblıka Bilim jáne ǵy­lym mınıstrliginiń IýNESKO-nyń «Barlyǵy úshin bilim» jáne «Tu­raqty damý úshin bilim» baǵ­­­­dar­­la­malaryna qatysqanyn baıandady. «Materıaldyq mádenı es­kertkishterdi qorǵaý boıynsha ótken jyldyń basynda Qazaqstan Qytaı jáne Qyrǵyzstanmen birlesip «Jibek joly: bastapqy bólik jáne Tıan-Shan dáliziniń jol jelisi» atty joba daıyndaǵan bolatyn. Jobanyń birinshi kezeńinde Jibek jolynyń Jetisý bóligindegi segiz nysan, atap aıtqanda, Almaty oblysyndaǵy Talǵar, Qaıalyq, Qaramergen eski qalalary men Jambyl oblysynda ornalasqan Aqtóbe, О́rnek, Qulan, Qostóbe, Aqyrtas ejelgi qalalary usynyldy. Byltyr aqpan aıynda atalǵan joba IýNESKO-nyń Búkilálemdik mura ortalyǵyna tabystaldy», dedi Sergeı Lazarev. Ol sondaı-aq, IýNESKO-nyń «Adam jáne bıosfera» baǵdarlamasy boıyn­sha ulttyq komıtetimen birge jasalǵan jumystyń nátı­jesinde 2013 jyly Alakól memlekettik tabıǵı qoryǵy IýNESKO-nyń bıosferalyq rezervattar dúnıejúzilik jelisine engizil­­genin jáne osy komıtetpen Katon-qaraǵaı ulttyq saıabaǵyna bıo­sferalyq rezervat mártebesin alý týraly jáne aldaǵy ýaqytta Qazaqstan Respýblıkasy men Reseı Federasııasynyń shekara boıyndaǵy aımaqtarynda «Al­­­­taı» transshekaralyq bıo­sfe­­­r­a­lyq rezervatyn qurý jaıly má­sele talqylanyp jatqanyn aıtty. Mádenıet mınıstriniń oryn­basary Asqar Bóribaev ulttyq komıssııanyń mádenıet salasy boıynsha ótken jylǵy jumysyn qorytyndylaı otyryp, eki nysanǵa erekshe toqtaldy. Onyń biri Qoja Ahmet Iаsaýı kesenesi de, ekinshisi Tamǵaly petroglıfi. О́tken jyldyń jeltoqsan aıynda Túrkistan qalasynda «IýNESKO-nyń Búkilálemdik mura obek­ti­si – Qoja Ahmet Iаsaýı kese­­­ne­siniń saqtalý jaǵdaıy» taqy­rybynda dóńgelek ústel ótkizilgen. Sharanyń maqsaty – Kambodjanyń Pnompen qalasynda ótken IýNESKO-nyń Búkilálemdik mura komıtetiniń 37-sessııasynda qabyldanǵan sheshimdi qarastyrý bolǵan. Atalmysh komıtet keseneniń saqtalý jaǵdaıy týraly, býfer­lik zona men onyń syrt jaǵynda júrgizilip, josparlanyp jatqan qurylys jumystary jóninde esep berý jáne 2014 jyldyń 1 aqpanyna deıin menedjment jospar usyný týraly sheshim shyǵarǵan eken. Mınıstrdiń orynbasary kórsetilgen qujat­­­tardyń barlyǵy Búkilálemdik mura ortalyǵyna tabystalǵanyn atap ótti. Oǵan qosa teńdessiz jádiger sanalatyn Tamǵaly petroglıfterin álemge tanytý, saqtaý boıynsha menedjment jospar jasalyp, oǵan qosa bıyl Almaty oblysy ákimdigi Tamǵalyǵa alyp baratyn «Suńqar –Topar – Kúıgen» avtojoldaryna aǵymdaǵy jóndeý jumystaryn júrgizýdi kózdep otyrǵanyn baıandady. Atap óteıik, jıynǵa Ulttyq komıssııanyń turaqty músheleri – múddeli memlekettik organdardyń basshylary, bilim, ǵylym jáne mádenıet qaıratkerleri qatysty. Aıgúl SEIILOVA, «Egemen Qazaqstan».