«Qazir 5G tehnologııasy birneshe qalada ilki rejımde iske qosylǵan. Bıyl aýksıon ótkizemiz. Sol aýksıonda birneshe lokasııany qamtý mindettemesi bolady. 5G-diń qazirgi nusqasy búkil eldi mekendi tolyqtaı qamtýǵa múmkindik bermeıdi. Sondyqtan búginde operatorlarmen lokasııa boıynsha jumys istep jatyrmyz», dedi Ashat Orazbek elordada ótip jatqan «Sıfrlyq Qazaqstanǵa betburys» atty halyqaralyq forým barysynda.
Onyń aıtýynsha, búginde respýblıkalyq mańyzy bar Nur-Sultan, Almaty, Shymkent qalalary jáne Túrkistan oblysy 5G jelisimen qamtylǵan.
«5G engizý trafık tutynýdyń shamadan tys ósimimen qatar 4.0 ındýstrııasynyń, aqparattyq tehnologııalardyń, aqyldy úılerdiń damýyna alyp keletindigin túsinemiz. Árıne, bul jasalýy tıis trend bolyp tur. Ony operatorlarmen birge jasaımyz. Muny qalaı jasaý qajettigine qatysty naqty ustanymymyz bar», dedi vıse-mınıstr.
Ashat Orazbektiń aıtýynsha, 2024 jyly 5G qoljetimdi bolady.
«Menińshe, aldaǵy eki jyldyń ishinde turǵyndar elimizdiń aýmaǵynda 5G jelisiniń qoljetimdiligin sezedi», dedi ol.
