Aımaqtar • 08 Tamyz, 2022

«Aqbaqaı» altyn shyǵarý fabrıkasynyń ekinshi kezeńi iske qosyldy

48 ret kórsetildi

Buǵan deıin Jambyl oblysy Moıynqum aýdanyndaǵy «Aqbaqaı» óndiristik alańynda jyl saıyn 850 myń tonna ken óńdirilgen bolsa, fabrıkanyń ekinshi kezeńi iske qosylǵanda óndiris qýattylyǵy jylyna 1,2 mıllıon tonnaǵa deıin artpaq, dep habarlaıdy Egemen.kz.

«Aqbaqaı» ken ornyn 1968 jyly belgili geolog Dúbek Dúısenbekov ashqan bolatyn. Qordy tolyq ıgerý jumystary 1975 jyly bastaldy. Aqbaqaıda jańa ken qorynyń ashylýyna baılanysty shıkizatty qaıta óńdeý úshin orasan qýat qajet bolǵandyqtan ken óńdeýdiń zamanaýı sehy salyndy. Búginde altyndy fabrıkaǵa qarasty «Aqbaqaı», «Beskempir», «Karernoe», «Aqsaqal», «Svetınskoe», «Kenjem», «Shyǵys Aqbaqaı» jáne «Olımpııskoe» ken oryndary óndiredi.

О́ndirilgen paıdaly qazba fabrıkada óńdelip, odan Dore qorytpasy túrindegi daıyn ónim shyǵarylady. Tehnologııalyq úderistiń tolyq aınalymy SCADA avtomattandyrylǵan basqarý júıesi arqyly júrgiziledi.

«Ekinshi kezeńdi iske qosýdyń nátıjesinde kompanııamyzdyń óndiristik aýqymy keńeıedi. Bul óz kezeginde el ekonomıkasynyń damýyna tyń serpin beredi dep oılaımyz. Buǵan qosa, qosymsha jumys oryndary ashylady. Atap aıtqanda, jobany iske qosý arqyly qosymsha 90 jańa jumys orny ashylady», deıdi «Altynalmas AK» AQ Qaraǵandy jáne Jambyl oblystaryndaǵy óndiris boıynsha basqarýshy dırektory Baǵdat Bahramov.

2011-2015 jyldary aralyǵynda «Altynalmas» kásiporny Aqbaqaıdaǵy jerasty óndirisi tehnologııasyn qol eńbegi ádisinen mehanıkalandyrylǵan ádiske kóshirdi. Bul bastama óndiris qýatynyń 600 paıyzǵa artýyna yqpal etti.

О́ndiristi sıfrlandyrý baǵdarlamasy aıasynda búgingi tańda ken orny jerasty stasıonarlyq quraldarmen jabdyqtalyp, ashyq taý-ken jumystaryn basqarý avtomattandyryldy, geologııalyq-marksheıderlik jasaqtamasy men GEOVIA ıntegrasııalyq platformasy engizildi. Sonymen qatar uzyndyǵy 130 shaqyrym talshyqty-optıkalyq baılanys jelisi tartylyp, 400 metr tereńdikte jerasty Wi-Fi ornatyldy.

Qazirgi tańda jerasty taý-ken qazbalaryn marksheıderlik baqylaý kenshilerdiń qaýipsizdigin qamtamasyz etetin jáne taý-ken jumystarynyń ónimdiligin arttyrýǵa yqpal etetin CMS MINEi (GeoSight, Kanada) paıdalanylǵan keńistigin lazerlik skanerleý kómegimen júrgiziledi.  Budan ózge, taý-ken geologııalyq derekterin saqtaý jáne júıeleý maqsatynda syrtqy zerthanalarmen biriktirilgen Minevision derek basqarýdyń ortalyqtandyrylǵan júıesi engizildi. Strata jerasty qozǵalys baqylaý júıesi dıspetcherge sensorlar arqyly adamdar men jabdyqtardyń ornalasqan jerin kórsetedi. Al Surpac 3D modeldeý júıesi geologtyń jumys ýaqytyn azaıtyp, derekterdiń tolyqtyǵy men senimdiligin arttyrady. Shahtanyń aýa aınaldyrý júıesi VentSim baǵdarlamalyq jasaqtamasy arqyly jobalandy.

Al ıntegrasııalanǵan sıfrlyq orta barlyq bıznes-úderisterdi baqylaýǵa múmkindik berip, óndiristi baqylaý jáne basqarýdy júzege asyrady.

Sońǵy jańalyqtar

Qosymshanyń kómegi eleýli

Qoǵam • Búgin, 23:07

Qazaq dıasporasynyń qaıratkeri

Tarıh • Búgin, 23:01

Ormanmen syrlasqan ǵalym

Aımaqtar • Búgin, 22:59

Koreı teatrynyń torqaly toıy

Teatr • Búgin, 22:58

Lývrda qalǵan shyraǵdan

Suhbat • Búgin, 22:56

EcoStudentKZ: Jastar judyryqtaı jumyldy

Ekologııa • Búgin, 22:52

Sheberler sherýi

О́ner • Búgin, 22:50

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Uqsas jańalyqtar