О́ner • 08 Tamyz, 2022

Mahabbat áýeni

57 ret kórsetildi

Qolyna qylqalam ustaǵanda aldymen sýretshi ne oılaıdy eken? Al aqyn she? Shabyttyń pyraǵyna minip, aspan álemine es-tússiz enip keterdeı, jerden jyraq, aı qushaǵynda alasura ma? Álde keńistikten aýadaǵy jazýlardy qaǵazǵa qondyryp, qııalymen qol ustasa ma? Qalaı oılaısyz? Bizdińshe, óleńniń jumbaǵy – ómirdiń jumbaǵy, al keneptegi kórinis – taǵdyr boıaýy sekildi…

Árıne, bizdiń pikirge qosylý, qosyl­maýyńyz óz quzyryńyzda… Tek biz mysalǵa alǵan kartınaǵa qarap, sol oıǵa baılanaryńyzǵa senimdimiz. Sýret­kerdiń sezimin áldılegen, kóńilin tolqytqan tústerdiń tańǵajaıyp qosyn­dysy. Bul qylqalam sheberi Kamıla Japalovanyń «Mahabbat áýeni» kartınasy. Maıly boıaýmen jazyl­ǵan mahabbat hıkaıasy.

Kompozısııada otaǵasy men onyń báıbishesi beınelengen. Qazaqy kıimde, bolmys-bitimi ulttyń salt-dástúrinen taǵan tartyp tur. Qara jerge quraq kórpe jaıyp, qos ǵashyq qobyz únimen qýat alýda. Qymyz usynǵan qyzdyń kıimine nazar salyńyzshy. Eski dáýirdiń kelbetin kóz aldyńyzǵa ákeledi. Munda ıbalylyq, meıirimdilik, tazalyq, tekti­lik bar. Jigittiń de ón boıynan sony kóremiz.

Aınala túgeldeı saǵymǵa ulas­qandaı, tirshilik tolqyndaı terbelip tur. Qud­dy qos ǵashyqqa qosylyp tabı­ǵat án aıtyp turǵandaı. Qazaqy oıý órnek­ter maıda jeldeı burala orna­las­qan. Áıeldiń qolyndaǵy tosta­ǵan­nan bólek taǵy eki tostaǵan beril­gen. Qonaq kelse, qushaǵy ashyq qazaqtyń peıilin elestetedi. Bir-birine taqala jaıǵasqan ekeýdiń qobyz únine balqyp otyrǵany anyq.

Avtor kartınany «Mahabbat áýeni» dep ataýy beker emes. Kenep betinde shynymen mýzyka bar. Ony oıly oqyrman birden baıqaıdy. Qońyr dalanyń qushaǵynda qońyr áýenge teńizdeı terbelgen er men arýdyń bir-birine degen súıispenshiligi kózge ottaı basylady. Solarmen birge barlyq álem terbelip turǵandaı. Súıgenderdiń qashanda óz áni, óz taǵdyr-táleıi bolýy zańdylyq.

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar