Ekonomıka • 09 Tamyz, 2022

Qazaqstannyń eksport kólemi artty

103 ret kórsetildi

2022 jyldyń 5 aıynda eksport 34,2 mlrd AQSh dollaryna jetti, ósim 12,7 mlrd AQSh dollaryna teń nemese 37,2% - dy qurady, dep habarlaıdy Egemen.kz Saýda jáne ıntegrasııa mınıstrligine silteme jasap.

Eksporttyń mynadaı elderge ulǵaıǵany baıqalady: Grýzııa - 7 ese (2021 jyly 12,6 mln AQSh dollarynan 2022 jyly 90,2 mln AQSh dollaryna deıin), Kanada - 6,6 ese (2021 jyly 51,8 mln AQSh dollarynan 2022 jyly 343,5 mln AQSh dollaryna deıin), Marokko-5 ese (2021 jylǵy 24,1 mlrd AQSh dollardan bastap 2022 jyly 124,1 mln AQSh dollaryna deıin), Ońtústik Koreıa - 4 ese (2021 jylǵy 441,3 mln AQSh dollarynan bastap 2022 jyly 1,7 mlrd AQSh dollarǵa deıin), Japonııa - 3,3 ese (2021 jylǵy 125,6 mln AQSh dollardan bastap 2022 jyly 418,9 mln AQSh dollaryna deıin), Túrkııa - 2,1 ese (2021 jyly 1 mlrd AQSh dollarynan bastap 2022 jyly 2,1 mlrd AQSh dollaryna deıin).

Jalpy, Qazaqstan otandyq ónimdi syrtqy naryqtarda ilgeriletý boıynsha belsendi saıasat júrgizýde. Saýda jáne ıntegrasııa mınıstrligi, óz kezeginde, eksportty qoldaý quraldarynyń keń tizimin qoldanady.

Shıkizattyq emes eksportty damytý sheńberinde qazaqstandyq eksporttaýshylar úshin shyǵyndardyń bir bóligin óteý, saqtandyrý, kepildik berý jáne sýbsıdııalaý, sondaı-aq qarjylyq emes quraldar, qoldaý baǵdarlamalary arqyly qarjylyq qoldaý kórsetý, QR Syrtqy ister mınıstrliginiń sheteldik mekemelerin tartý, eksporttyq áleýeti joǵary qyzmetterdi damytý, qaýipsizdik pen sapanyń halyqaralyq talaptaryna jaýap beretin jańa ulttyq standarttardy qabyldaý boıynsha sharalar usynylady.

Eksporttyq akselerasııa baǵdarlamasy aıasynda otandyq ónimdi Reseıge, О́zbekstanǵa, Birikken Arab Ámirlikterine, Saýd Arabııasyna, Ázerbaıjanǵa ilgeriletý kózdelgen. 

Ortalyq Azııa elderi, Reseı jáne EAEO-nyń basqa elderi, Qytaı, Túrkııa, Eýropa elderi, AQSh, Iran basym naryqtar bolyp qala beredi. Atalǵan elderdiń tizbesi boıynsha mınıstrlik otandyq óńdelgen ónimderdi: azyq-túlik, metall buıymdaryn, jabdyqtardyń jekelegen túrlerin, otyndy ilgeriletý boıynsha belsendi jumys júrgizýde.

Sońǵy jańalyqtar

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar