Qazaqstannyń ekologııalyq qory «Jastar arasynda ekologııalyq mádenıetti nyǵaıtý jónindegi sharalar keshenin ázirleý jáne iske asyrý» jobasyn iske asyrý sheńberinde «Jasóspirimder arasynda ekologııalyq mádenıetti qalyptastyrý» atty ádistemelik quralyn ázirledi.
«Basylymda ekologııalyq mádenıetti qalyptastyrý boıynsha sabaqtan tys is-sharalar baǵdarlamasyn júzege asyrýǵa múmkindik beretin materıaldar bar. Oqý quralynyń materıaldaryna otandyq jáne sheteldik ǵalymdar men praktık-pedagogterdiń tanymal ádistemeleri de engizilgen», dedi «Qazaqstannyń ekologııalyq qory» QQ basshysy Aıgúl Abdýalıeva.
Oqýlyqtyń avtory – L.N.Gýmılev atyndaǵy Eýrazııa ulttyq ýnıversıtetiniń dosenti Janat Bazarbekova.
Joba uıymdastyrýshylarynyń aıtýynsha, oqý quraly jalpy bilim berý mekemeleriniń pedagogterine, sondaı-aq halyqtyń ekologııalyq saýattylyǵyn arttyrýǵa múddeli barlyq tulǵalarǵa paıdasyn tıgizedi.
«Jastar arasynda ekologııalyq mádenıetti nyǵaıtý jónindegi sharalar keshenin ázirleý jáne iske asyrý» jobasy QR Aqparat jáne qoǵamdyq damý mınıstrligi men Azamattyq bastamalardy qoldaý Ortalyǵynyń qoldaýymen júzege asyrylýda.
