Energyprom sarapshylary jarııalaǵan esepte kórsetilgendeı, óńirlik bóliniste kúnbaǵys maıy óndirisiniń barlyq kóleminiń jartysyna jýyǵyn Shyǵys Qazaqstan oblysy qamtamasyz etti - 78,1 myń tonna tazartylmaǵan jáne 33,6 myń tonna tazartylǵan maı.
Budan basqa tazartylmaǵan kúnbaǵys maıy óndirisiniń eleýli kólemi Abaı (43,8 myń tonna) jáne Qostanaı (9,1 myń tonna) oblystaryna, tazartylǵan - Shymkent (24,2 myń tonna) jáne Almaty (10,4 myń tonna) oblystaryna tıesili boldy.
«Osy jyldyń qańtar–mamyr aılarynda qazaqstandyq kúnbaǵys maıyn óndirýshiler suranysty 83,5%-ǵa, ımportqa tıisinshe 16,5%-ǵa qamtydy. О́tken jyldyń qańtar-mamyrymen salystyrǵanda óndiris kólemi 29,6%-ǵa, al ımport 26,6%-ǵa artty», delingen zertteýde.
Sarapshylardyń aıtýynsha, 2022 jyldyń shilde aıynyń qorytyndysy boıynsha kúnbaǵys maıy bir aıda 1,4%-ǵa qymbattady, al jyl basynan beri baǵanyń ósýi 8,1%-dy qurady.
2021 jylǵy shildemen salystyrǵanda baǵalar 11,6%-ǵa ósti, bul aldyńǵy jyldyń kórsetkishinen aıtarlyqtaı tómen, ol kezde birden 65,8%-ǵa qymbattaýy baıqaldy.
