Reıtıngte menshik quqyǵynyń negizgi ınstıtýttary, ıaǵnı quqyqtyq orta men saıası orta, fızıkalyq jáne zııatkerlik menshik quqyqtary saraptalǵan.
Elimizdegi quqyqtyq jáne saıası ortanyń sýbındeksi 3,833-ke deıin tómendegen. Sonyń ishinde sot júıesiniń táýelsizdigi – 4,673, quqyq ústemdigi – 4,091, saıası turaqtylyq – 3,121, al sybaılas jemqorlyqqa qarsy kúres boıynsha kórsetkish – 3,445. Sondaı-aq reıtıngtegi málimetterge súıensek, Qazaqstanda ótken jyldarmen salystyrǵanda fızıkalyq menshik quqyǵy boıynsha sýbındeks 6,39-ǵa deıin azaıǵan. Al zııatkerlik menshik quqyqtary boıynsha eldiń sýbındeksi 4,774-ke deıin ulǵaıǵan.
Jekelegen toptarǵa toqtalar bolsaq, menshik quqyǵyn qorǵaýdy qabyldaý boıynsha sýbındeks – 5,608, menshikti tirkeý boıynsha – 8,552, nesıege qol jetkizý jeńildigi boıynsha – 4,871. Zııatkerlik menshikti qorǵaýdy qabyldaý boıynsha sýbındeks – 5,213, patentterdi qorǵaý boıynsha – 5,783, avtorlyq quqyqtardy qorǵaý boıynsha – 2,6, taýar belgilerin qorǵaý boıynsha – 5,859.
Osy jyldyń birinshi toqsan qorytyndysyna kóz júgirtsek, elde quqyq jáne býhgalterlik esep salasynda 27,7 mlrd teńgege qyzmet kórsetilgen. Bul ótken jylmen salystyrǵanda 9,2 paıyzǵa artqan. Naqty kólem ındeksi – 104 paıyz.
Quqyq salasynda 8,3 mlrd teńgege qyzmet kórsetilgen. Advokattyq qyzmet boıynsha – 1,5 mlrd teńgege, notarıaldyq qyzmet boıynsha 35,7 mln teńgege qyzmet kórsetildi.
TMD elderiniń ishinde menshik quqyǵy bizdiń elimizben salystyrǵanda Ázerbaıjan men Armenııada jaqsy qorǵalǵan. Al Reseı, Moldova jáne Ýkraınadaǵy kórsetkishter Qazaqstanmen salystyrǵanda edáýir tómen.
Álem boıynsha azamattardyń menshik quqyǵy Shveısarııa, Sıngapýr jáne Jańa Zelandııada jaqsy qorǵalǵan. Eń nashar kórsetkish Gaıtı elinde eken.
