Qoǵam • 11 Tamyz, 2022

Qazaqtyń baılyǵy myńǵyrǵan mal edi

267 ret kórsetildi

HH ǵasyrdyń sońyna qaraı Keńes Odaǵy ydyrap, ár respýblıka óziniń egemendigine ıe bolǵannan keıin, aýyl sharýashylyǵy, onyń ishinde mal sharýashylyǵy salasy durys júrgizilmegen ekonomıkalyq saıasattyń saldarynan múldem qojyrap ketti.

Aýyldy kóteremiz dep bólingen mıllıardtar jelge ushty. Aýyldarda jumyssyzdyq beleń aldy. Eki qolyna bir kúrek taba almaǵan azamattar, ásirese jastar jaǵy jappaı qalalarǵa aǵyldy. Bul óz kezeginde adamdardyń áleýmettik jaǵdaıyn odan ári qıyndatyp jiberdi.

Qazirgi kezde keń baıtaq jerimiz mal basymen tolyq qamtylmaı otyrǵan memlekettiń birimiz. Mal sharýashylyǵy ónimderin ımportqa shyǵarý bylaı tursyn, óz halqymyzdy jetkilikti túrde qamtamasyz ete almaı otyrmyz. Esesine shetelderden qymbat ımport ónimderi: jumyrtqa, óńdelgen sút pen et ónimderi qaptap kelip jatyr. Aýylda óndiriletin tabıǵı mal ónimderi kózden bulbul ushty. Aýyl kórmegen qala balasy salany basqarǵannan keıin istiń alǵa baspaıtyny aıtpasa da túsinikti.

Endi mundaı tyǵyryqtan shyǵý úshin memleket ne isteýi kerek? Sheshilmeıtin másele joq. Ol úshin, birinshiden, Úkimet aýyl sharýashylyǵyna jyldyq qarjyny jetkilikti deńgeıde bólýi qajet. Bólingen qarjy jemqorlardyń jemsaýyna túsip ketpeı, sala-sala boıynsha durys ári tıimdi jumsalýǵa tıis. Ekinshiden, elimizde mal basyn kóbeıtý isine jaǵdaı týǵyzýy kerek. Úshinshiden, maldy asyldandyrý jumystary (irikteý, juptaý, baǵalaý, bonıtırovkalaý jáne t.b.) durys júrgizilýi shart. Tórtinshiden, aýyl sharýashylyǵyna paıdalanylatyn barlyq tehnıka ekonomıkalyq jaǵynan tıimdi ári zamanaýı talaptarǵa saı bolýy kerek. Besinshiden, bilimdi ári bilikti maman daıyndaýǵa erekshe kóńil bólýimiz qajet. Mine, osyndaı talaptar durys oryndalǵan jaǵdaıda bári de oryn-ornyna keletinine kámil senemiz.

 

Serǵaly MYRZAQULOV,

aýyl sharýashylyǵy ǵylymdarynyń kandıdaty,

dosent, qaýymdastyrylǵan professor

 

ALMATY

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar