Oqý-jattyǵý barysynda ımıtasııalanǵan órtti joıý jáne adamdar men múlikti qaýipsiz evakýasııalaý boıynsha órtke qarsy qyzmet bólimsheleri men saýda oıyn-saýyq ortalyǵynyń jeke quramynyń ózara is-qımyly tekserildi.
Jattyǵý ssenarııi boıynsha SOO-nyń ekinshi qabatynda ornalasqan býtıkterdiń birinde órt shyǵyp, odan ári irgeles aýmaqqa taraǵan. Ary qaraı SOO qyzmetkerleri órtti anyqtap, órt sóndirý qyzmetine habar berip, ǵımarattan adamdardy evakýasııalaýǵa kirisken. О́rt sóndirý bóliminiń qyzmetkerleri men MEGA Silk Way SOO-nyń órt sóndirý qyzmetiniń kúshterimen órt sátti sóndirildi. Oqý-jattyǵýǵa barlyǵy jeke quramnan 35 adam jáne 10 tehnıka jumyldyryldy.
Oqý-jattyǵýlardyń negizgi maqsaty – jurtty evakýasııalaý jáne adam kóp jınalatyn ǵımarattaǵy órtti sóndirý ádisteri men tásilderin ázirleý. Sondaı-aq oqý-jattyǵý barysynda ımıtasııalanǵan órtti joıý jáne adamdardy ǵımarattan qaýipsiz evakýasııalaý boıynsha SOO tıisti qyzmetiniń daıyndyǵy tekserildi, sonymen qatar saýda ortalyǵynyń tehnıkalyq jabdyqtary men eskertý júıesi synaqtan ótti.
