Oblystyq medısınalyq qyzmetterdiń jumysyn úılestirýdi jaqsartý, azamattardyń barlyq ótinishterin ýaqtyly baqylaý, sondaı-aq aqparattyq-taldaý ortalyǵyn qurý, turǵyndarǵa sapaly qyzmet kórsetý negizgi mindeti bolyp sanalatyn ortalyqtyń ashylý saltanatyna oblys ákiminiń orynbasary Arman Sabıtov, qoǵamdyq densaýlyq basqarma basshysy Marat Pashımov qatysty. «Turǵyndar Call-ortalyqqa qońyraý shalyp, belgili bir medısınalyq mekemeniń nemese naqty mamannyń jumysy týraly shaǵym jasap,densaýlyq saqtaý salasynda kásibı jaýaptar ala alady. Call-ortalyqqa kelip túsken shaǵymdar shuǵyl túrde qaralyp, operatorlardyń qyzmet kórsetý sapasyn baqylaý jónindegi bas dárigerlerdiń orynbasarlarymen tikeleı baılanysy arqyly pysyqtalatyn bolady. Shaǵymdar negizinde toqsan saıyn oblystyń medısınalyq uıymdarynyń reıtıngteri jasalady», deıdi Marat Pashımov.
Ortalyqta 12 adam jumys isteıdi. Onyń ishinde 10 operator bar. Olardyń bári – medısına salasynyń ókilderi. Túrkistan oblysy boıynsha 1305 nómirine uıaly telefondardan qońyraý shalý tegin. Ortalyq medısına mekemeleri men halyq arasyndaǵy baılanysty jaqsartyp, qyzmet sapasyn arttyrady dep josparlanyp otyr.
